• USD 389.52
  • EUR 429.21
  • RUB 6.07
  • CNY 54.94
28 Aqpan, 10:48:31
Shyńjańdyq dúngen: Dereý qazaqtardan keshirim surańdar! (aýdıo)

28 Qazan, 2019 Aımaqtar

Turǵyn úı qurylysynyń kólemi 40 paıyzǵa artty

Jambyl oblysynda bıýdjet esebinen paıdalanýǵa beriletin kóppáterli turǵyn úı kólemi ótken jyldyń esepti kezeńimen salystyrǵanda 40 paıyzǵa ósken, dep jazady Qamshy.kz aqparat agenttigi. 

Bıyl óńirdegi turǵyn úılerdiń qurylysyna bıýdjet esebinen 28 mıllıard 348 mıllıon teńge qarjy qarastyrylǵan.

– О́tken jyly barlyq qarjy kózderinen óńirde 29 turǵyn úıdiń

qurylysy júrgizildi. 2018 jyldyń qańtar-qyrkúıek aılarynda 12 turǵyndy úıdiń qurylysy aıaqtalyp, jyl sońyna deıin 19 turǵyn úı paıdalanýǵa berildi. Halyq ıgiligine jaraǵan turǵyn úıdiń jalpy kólemi 272,3 myń sharshy metrdi quraıdy.

Al aǵymdaǵy jyly 30 turǵyn úıdiń qurylysy júrgizilip jatyr. Jyl sońyna deıni 20 turǵyn úıdiń qurylysy aıaqtalyp, paıdalanýǵa berilmek. Qalǵan 10 turǵyn úıdiń qurylysy ótpeli nysanǵa jatady. Jyl basynan beri óńirde 11 úıdiń qurylysy aıaqtalyp, paıdalanýǵa berilgen turǵyn úıdiń kólemi 274 myń sharshy metrge teń boldy, –deıdi oblys ákimdigi qurylys basqarmasynyń basshysy Jaıyqbaı Shaldarov.

Bıyl oblysta naqtylanǵan bıýdjetke saı 90 nysannyń qurylysyn júrgizý josparlanyp, bul jumystarǵa respýblıkalyq bıýdjetten 11 mıllıard 811 mıllıon teńge qarjy qarastyrylsa, salany jergilikti bıýdjet esebinen qarjylandyrý kólemi 16 mıllıard 536 mıllıon teńgeni qurady.

Jalpy óńirde oblys ákiminiń bastamasymen jobalyq smetalyq qujattamalardy ázirleýde bıýdjetti ońtaılandyrý sharasy qolǵa alyndy. Nátıjesinde tek ótken jyldyń ózinde 133 jobany iske asyrý múmkindigin qaıta qaraý arqyly 10 mıllıard teńge únemdelgen. Bul ońtaılandyrý sharasy qurylys nysandarynyń kólemin qajettilikke qaraı negizdeý arqyly júrgizildi. Máselen mektepterdiń qurylysy 1 oqýshyǵa 16,85 sharshy metr ádisi boıynsha josparlandy. Sondaı-aq buǵan deıin medısınalyq–feldsherlik pýnkter men dárigerlik ambýlatorııalardy salýǵa 65-90 mıllıon teńge jumsalyp kelgen bolsa, endigi kezekte bul qarajattyń mólsheri 30-45 mıllıon teńgege deıin tómendetildi. Sol sekildi dene shynyqtyrý, sporttyq saýyqtyrý keshenderdiń quny 227 mıllıon teńgeden 115 mıllıon teńgege deıin túsirildi. Al buǵan deıin aýyldyq klýbtarynyń qurylysyna jumsalyp kelgen 200 mıllıon teńgeden 130 mıllıon teńge qarjy únemdeldi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir