Qoǵamnyń barlyǵy salasyna dendep engen sıfrlandyrý úrdisi agrosalany básekege qabiletti etýge, halyqaralyq talaptardyń údesinen shyǵýyna mol serpin berip keledi. Ári bul jumystar Jambyl óńirinde kezeń-kezeńimen óz jalǵasyn tabyp, agrosektordyń barlyq salasyn qamtyǵan, dep jazady Qamshy.kz aqparat agenttigi. 

О́tken jyly «Qazaqstan Ǵarysh Sapary» ulttyq kompanııasy» aksıonerlik qoǵamy arqyly jerdi qashyqtyqtan zondtaý tájirıbesi barlyq aýdandarǵa engizildi. Sol arqyly jerdi zańsyz paıdalanýshylardy anyqtaýǵa mol múmkindik berip keledi. Jerdi qashyqtyqtan zondtaý arqyly alynǵan aqparattar arqyly sala mamandary jer qory resýrstarynyń ınteraktıvti kartasyn daıyndaýǵa kiristi. Bul karta kómegimen jer qoınaýyn zańsyz paıdalaný faktileri óz ýaqytysynda ashylady.

О́ńirde jerdi qashyqtyqtan basqarý tájirıbesimen birge mal sharýashylyǵy salasynda sıfrlandyrýdyń oń tájirıbesi qalyptasyp keledi. Bul tájirıbeni qazir Qordaı aýdanyndaǵy «Qaqpatas-Qordaı» jaýapkershiligi shekteýli seriktestigi óz tájirıbesine engizip úlgerdi. 600 basqa arnalǵan taýarly sút-fermasyndaǵy árbir sıyr arnaıy chıppen qamtamasyz etilgen. Sharýalarǵa kompıýter osy chıpter arqyly sıyrdyń densaýlyǵyna qatysty aqparattardy usynady. Tolyǵymen avtomattandyrylǵan júıe sıyrdyń saýylǵan sútine de taldaý jasaıdy. Sol arqyly tıisti mamandar mal aýrýlarynyń aldyn alady. Tipti kompıýter sharýaǵa sıyrlarǵa arnalǵan jaıylymdy jerlerin kezeń-kezeńimen aýystyrýyn baǵdarlama arqyly iske asyrylady.

Jyl sońyna deıin Jýaly aýdanyndaǵy «Gambýrg» sharýa qojalaǵy da tolyqtaı sıfrlandyrylǵan júıege aýysady. Mal sharýashylyǵyn sıfrlandyrý arqyly jýalylyq sharýalar 1200 bas sıyr bar agroqurylymdy taýarly sút-fermasyn kompıýter tetigi arqyly basqarýǵa múmkindik berýimen erekshelengeni tur.

Jalpy esepti kezeńde oblys ákimdiginiń aýyl sharýashylyǵy basqarmasynda kórsetiletin qyzmet túrlerin elektrondy rejımge aýysa bastady. Kúni búginge deıin basqarmadan usynylatyn 53 memlekettik qyzmettiń 25-i avtomattandyrylǵan júıege aýysty. О́tken jyly sharýalar úshin mıneraldy tyńaıtqyshtardy sýbsıdııalaý baǵdarlamasy tolyǵymen avtomattandyryldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir