Aqtóbede "Altyn adamnyń" "qurdastary" tabyldy

Ejelgi kóshpendiler dáýiriniń turmystyq zattary Aqtóbe qalasy turǵynynyń jer ýchaskesinen tabyldy, – dep Qamshy.kz aqparat agenttigi habarlaıdy

Ýchaske ıesi Aıdos Aqdáýletuly tabylǵan zattar 40-50 santımetr tereńdikte qurylys jumystary kezinde tabylǵanyn aıtty.

«Sol kúni qurylysshylar irgetastyń negizin qazyp, jermen birge osy artefaktilerdi shyǵardy. Men ejelgi zattardy mundaı taıaz tereńdikte kómý ekitalaı dep oıladym. Sodan keıin men olardy úıge ákelip, muqııat qarap, mamandarǵa júginýdi sheshtim» – dedi Aıdos Aqdáýlettuly

Tabylǵan zattar arasynda at ábzelderi men qurbandyqqa arnalǵan ydys bar. Olardyń shamamen jasy – 2500 jyl.

Tabylǵan zat týraly oblystyq tarıhı-ólketaný murajaıynyń dırektory Meıram Dúısenǵalı túsinikteme berdi. Onyń aıtýynsha, tabylǵan zattar bizdiń dáýirimizge deıingi 1-myńjyldyqtyń ortasyndaǵy ejelgi kóshpendilerge tıesili.

"Zattar skıf-saq janýarlarynyń stılinde jasalǵan. Bizdiń tapqan zattarymyz – sarmattar álemde alǵashqylardyń biri bolyp attyń er-toqymyn qoldanǵanyn dáleldeıdi", – dep atap ótti Meıram Dúısenǵalı.

Maman ótken ǵasyrdyń 1950-jyldary barlyq qorǵandar men jerleý oryndarynyń qaldyqtary aýyr tehnıkamen aıdalǵandyqtan, olardy  tabýdy tereń  dep túsindirdi.

Aıdos Aqdáýletuly tabylǵan jádigerlerdi murajaıǵa tapsyrýǵa ýáde berdi.

 Eske salsaq, birneshe kún buryn Aqtóbe qalasynan 300 shaqyrym jerde Sarmat dáýiriniń kóshbasshysynyń qaldyqtary tabylǵan bolatyn. Alty metrge jýyq tereńdikte jerleýlerdiń birinde arheologtar altynmen qaptalǵan kıimnen er adamnyń máıitin tapty.