24 Qazan, 2019 NEWS

«Jedel járdem» qyzmeti jańartylmaq

Almaty ákiminiń orynbasary Erjan Babaqumarov KazMedConsult kompanııasynyń dırektory Kevın Frıkpen jedel medısınalyq kómek qyzmetin modernızasııalaý máselelerin talqylady, – dep habarlaıdy qalalyq ákimdiktiń baspasóz qyzmeti.

«Jedel qyzmetti» modernızasııalaý jobasy medısınalyq kómek kórsetýge halyqaralyq standartty engizýdi jobalaıdy.

Bulardan ózge, dıspetcherlik qyzmetti modernızasııalaý, sonymen qatar saraptama men Big data óndeýiniń negizinde prosestiń sapasyn arttyrý quraldaryn qoldaný talqylandy.

Jedel qyzmetti modernızasııalaý aýrýhanaǵa jatqyzýdan bastap emdeýge deıingi kezeńderdegi medısınalyq qyzmettiń sapasyn arttyrýǵa múmkindik beredi.

«Sapaly medısınalyq qyzmetter – Almatyny damytýdaǵy negizgi basymdyqtardyń biri. Qala ákimi Baqytjan Saǵyntaev bul máselege erekshe nazar aýdarady. Onyń tapsyrmasy boıynsha biz barlyq medısınalyq mekemelerge aýdıt júrgizdik, nátıjesinde qala aýrýhanalary men emhanalarynyń joǵary núkteli quraldarmen jabdyqtalýy 60%-ke jýyq ekeni anyqtaldy», – dep habarlady E. Babaqumarov. Sonymen qatar, ol 2022 jyldyń aıaǵyna deıin qala medmekemeleriniń jabdyqtalýy kemdegende 90%-dy quraıtynyn atap ótti.

K. Frıktiń densaýlyq saqtaý salasynda, konstaltıngte, strategııalyq damýda jáne bıznesti damytýda kópjyldyq menedjerlik tájirıbesi bar.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir