• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:50:48
Qazaqstan Ýkraınanyń saýda naryǵyna alańdaýly

22 Qazan, 2019 NEWS

"4 adamnyń basyn kesip alǵan": qazaq jigitteri Sırııada qandaı qylmys jasaǵan?

Astanada "Jýsan" operasııasy aıasynda elge qaıtarylǵan 14 qazaqstandyqqa qatysty sot otyrysy ótip jatyr. Prokýror olardyń keıbiriniń jantúrshigerlik qylmysyn jarııalady, dep habarlaıdy Qamshy.kz aqparat agenttigi Sputnik Qazaqstan saıtynyń deregin negizgee alyp, 

Prokýror Edil Murattyń aıtýynsha, sottalýshylardyń ishinde Gazınur Baqytjanov pen Amanjol Janseńgirov terrorıstik sıpattaǵy rolıkter túsirgen.

"DAISh halyqaralyq terrorıstik uıymynyń sodyrlary jergilikti úkimet áskerimen bolǵan soǵysta jeńiske jetkendikten, terrorıstik top músheleri – Janseńgirov pen Baqytjanov uıaly telefonnyń kamerasyn paıdalanyp, beınerolık túsirgen", - dedi Murat.

Ol rolıkte sodyr Baqytjanov ózderiniń az adam shyǵynymen jeńiske jetkenderin maqtan tutyp, jaýdy eshqandaı bekinis qutqara almaıtynyn aıtqan. Sodan keıin áskerı kıimde ólip jatqan adamdardy qarýmen nusqap, ony kápir dep atap, Allahtyń qalaýymen oq tıip óldi degen.

Saraptama atalǵan rolıkte dinı alaýyzdyqty qozdyrý jáne terrorızmdi nasıhattaý begilerin anyqtady.

"Sondaı-aq, qarýly qaqtyǵystan keıin IGIL terrorıstik uıymynyń músheleri tórt adamnyń basyn kesip alyp, jurtty úreılendirý maqsatynda qala kósheleriniń birine jeti táýlikke tastap qoıǵan", - dep atap kórsetti prokýror.

Olar bul áreketterimen kópshilik nazaryn aýdaryp, adam boıynda qorqynysh pen úreı sezimin týdyrýdy kózdegen.

"Terrorıstik top múshesi Janseńgirov osy bastardyń birin aıaǵymen basyp, qarý ustap turyp sýretke túsken. Ol sýret ǵalamtor arqyly kópshilikke tarap ketken", - dep jalǵastyrdy Edil Murat.

Onyń aıtýynsha, saraptama kezinde fotosýrettegi adam 1986 jyly Aqmola oblysynda týǵan Amanjol Janseńgirov ekeni rastalǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir