• USD 389.52
  • EUR 429.21
  • RUB 6.07
  • CNY 54.94
30 Qańtar, 04:16:47
Qazaqstan Ýkraınanyń saýda naryǵyna alańdaýly

21 Qazan, 2019 Aımaqtar

Sıfrlyq saýattylyq boıynsha 145 695 turǵynǵa keńes berildi

Elbasy- Qazaqstan Respýblıkasynyń Tuńǵysh Prezıdenti Nursultan Nazarbaevtyń «100 naqty qadam» Ult josparynda aıqyndalǵan mindetterge sáıkes, «Azamattarǵa arnalǵan úkimet» memlekettik korporasııasy qurylǵany belgili. Búginde korporasııa jumysy Jambyl oblysynda da júıeli júzege asýda. Ásirese, halyqtyń sıfrlyq saýattylyǵyn arttyrýǵa basymdyq berilip, «Elektrondy úkimet» portalynyń múmkindikteri keńinen paıdalanylýda. Halyqtyń sıfrlyq saýattylyǵyn arttyrý maqsatynda korporasııa mamandary 2019 jyly 1388 mekemege shyǵyp, 145 695 turǵynǵa keńes bergen.

Sonymen qatar elektrondy negizdegi servıstik qyzmetterdi jetildirý baǵytynda da nátıje jeterlik. Birinshiden, azamattardyń ruqsat berýimen úshinshi tulǵanyń anyqtamalardy alýyna bolatyn servısi júzege asty. Mysaly, servıske engizilgennen keıin, oqý orny nemese jumys berýshi elektrondyq portal arqyly qajetti qujatty suratady, al qyzmet alýshy (bul jaǵdaıda ata-ana, jumys berýshi, t.b.) SMS-habarlama arqyly bir ret elektrondyq anyqtama alýǵa óziniń ruqsatyn beredi.

Ekinshiden, uıaly telefon nómirine joldanǵan bir rettik SMS-paroldi engizý arqyly elektrondyq sıfrlyq qoltańbasyz 53 qyzmet qoljetimdi boldy. Bul qyzmet túrin paıdalaný úshin eń bastysy «Mobıldi úkimette» tirkelý kerek. Tolyǵyraq aıtsaq, mobıldi qosymshany aktıvtendirgen soń qoldanýshyǵa qyzmettiń keń spektri qoljetimdi bolady. 2019 jyly Jambyl oblysy mobıldy úkimet portalyna tirkelgen azamattardyń sany 242 008 adamdy qurady.

Úshinshiden, 20 mınýt ishinde mekenjaı boıynsha onlaın tirkelý qyzmeti qoljetimdi.

Tórtinshiden, «Kólik quralynyń sáıkestendirý nómiri boıynsha kólik quraldarynyń jekelegen túrlerin memlekettik tirkeý jáne esepke alý» jáne «Júrgizýshi kýálikterin berý» qyzmeterin onlaın rejımde alýǵa bolady. Statıstıkalyq málimet boıynsha bul qyzmetter jaqsy kórsetkish kórsetýde. 2019 jyldyń segiz aıynda júrgizýshi kýáligin aýystyrý boıynsha 4 744, avtokólikterdi tirkeý jáne tirkeýden shyǵarý boıynsha 3 895 qyzmet kórsetildi.

Besinshiden, @EgovKzBot Telegram-bot arqyly qol jetimdi servıster men qyzmetterdiń sany 26 -ǵa jetti.

Bul baǵytta da júıeli jumystar jandanýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir