• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:45:39
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Jambylda jalaqy edáýir ulǵaıdy

Memleket basshysy Q.Toqaevtyń aǵymdaǵy jyldyń 2 qyrkúıegindegi Qazaqstan halqyna joldaǵan Joldaýynda aldaǵy tórt jyl ishinde muǵalimderdiń eńbek aqysyn eki ese arttyrýdy tapsyrylǵan bolatyn. Bul – kelesi jyldan bastap ustazdardyń jalaqysy 25 paıyzǵa ósedi degen sóz. Osy oraıda Jambyl oblysy boıynsha bilim salasynyń 65467,05 shtattyq birlik qyzmetkerleriniń jalaqysyn ulǵaıtýǵa respýblıkalyq bıýdjetten 30,5 mlrd.teńge bólý josparlanyp otyr.

Elbasynyń 2019 jylǵy 27 aqpandaǵy "Nur Otan" partııasynyń XVIII kezekti sezindegi tapsyrmasyna sáıkes 2019 jylǵy 1 maýsymnan bastap 73605 birlik azamattyq jáne shtattan tys qyzmetshilerdiń jalaqysy 15-30 paıyzǵa kóterildi.

Budan basqa, 2019 jylǵy 1 shildeden bastap ishki ister organdary qyzmetkerleriniń laýazymdyq jalaqylary 20 paıyzdan 65 paıyzǵa deıin ulǵaıdy. Bul maqsatqa respýblıkalyq bıýdjetten qosymsha 797,2 mıllıon teńge bólindi.

Jambyl oblysy ákimdigi ekonomıka jáne bıýdjettik josparlaý basqarmasynyń basshysy, G.Jaýynbekovanyń aıtýynsha, esepti kezeńde áleýmettik kórsetkishterdiń oń dınamıkasy baıqalyp oyr. Halyqtyń orta eseppen jan basyna shaqqandaǵy ataýly aqshalaı tabystary 2019 jyldyń 1 toqsanynda 66361 teńgeni qurap, 2018 jyldyń tıisti kezeńimen salystyrǵanda ataýly kóriniste 14,0 paıyzǵa, naqty – 8,5 paıyzǵa artty.

Ortasha aılyq ataýly jalaqy 2019 jyldyń 2 toqsanynda 126,5 myń teńgeni qurap, ataýly kóriniste 13,7 paıyzǵa, naqty - 8,2 paıyzǵa ósti.

Eń tómengi jalaqy mólsheri 1,5 esege ósip, bıýdjettik mekemelerdegi 32,6 myń qyzmetkerdiń jáne 5966 jeke sektordaǵy 71 myńnan asa jumyskerdiń jalaqysy artty.

Jumyssyzdyq deńgeıi 2019 jyldyń 2 toqsanynda 4,8 paıyzdy qurap, ótken jyldyń tıisti kezeńimen salystyrǵanda 0,1 paıyzdyq tarmaqqa tómendedi.

2019 jyly 12147 jańa jumys oryndaryn ashý josparlanýda, onyń ishinde turaqty – 5500, ýaqytsha – 6647. Bıylǵy 8 aıdyń qorytyndysymen ashylǵan jumys oryndary – 12417 birlikti qurap, jyldyq jospar 102,2 paıyzǵa oryndaldy.

Osylaısha jańa jumys oryndary ashylyp, jalaqy kólemi de edáýir ulǵaıdy. Turǵyndardyń tabysy artsa, turmysy da jaqsara túsetindigi sózsiz. Áleýmettiń áleýetin arttyrýǵa baǵyttalǵan jumystar júıeli jalǵasa beretin bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir