• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 14:58:16
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Jumysshylarǵa jan-jaqty jaǵdaı jasalýda

Qazaqstan Respýblıkasynyń Prezıdenti Qasym-Jomart Toqaev «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Joldaýynda áleýmettik máselege basa nazar aýdarǵany belgili. Bul baǵyttaǵy jumystarǵa Jambyl oblysyndaǵy «Qazfosfat» jaýapkershiligi shekteýli seriktestigi de ózindik úlesin qosyp, jumysshylardyń jaǵdaıyn jaqsartý maqsatynda jańa jobalardy júzege asyrýda.

– Basty maqsatymyz – bizde qyzmet atqaratyn azamattardyń áleýmettik qaýipsizdigi men ál-aýqaty. Bul qoǵamdaǵy turaqtylyqtyń kepili. Biz barlyq qazaqstandyqtardyń ál-aýqatynyń artyp, óndiris oshaqtaryndaǵy eńbek qaýipsizdiginiń qamtamasyz etilýi memleketimizdiń eń mańyzdy mindeti bolyp qala beretinin bilemiz. Kompanııa osy máselede tolyq jaýapkershilikti sezinedi jáne óz qyzmetkerleri men olardyń otbasylarynyń ál-aýqatyn saqtaý jáne arttyrý úshin barlyq kúsh-jigerin jumsaıdy, – deıdi seriktestiktiń bas dırektory, Qazaqstannyń Eńbek Eri Muqash Eskendirov.

Sondaı-aq kompanııa jumys jasaımyn degen jastarǵa mol múmkindikterdi qarastyryp otyr. Búginde onda 6000 qyzmetker jumys isteıtin bolsa, olardyń qatarynda jastardyń alatyn úles salmaǵy aıtarlyqtaı. Naqtyraq aıtqanda, kásiporyndaǵy jumysshylardyń 34 paıyzy jasy 35-ke deıingi jastardy quraıdy. Iаǵnı, 2174 jas seriktestik kásiporyndarynda turaqty jumyspen qamtylǵan. Bolashaq jastardyń qolynda ekenin jete túsinetin seriktestik basshylyǵy 2011 jyly belsendi jastar qozǵalysyn qalyptastyryp, jas mamandardyń basyn qosyp biriktirý maqsatynda Jastar Odaǵyn qurǵan. «Artqa qaraı sheginbe, ornyńda qalma, tek qana alǵa!!!» atty urany bar ol uıym jastardyń bos ýaqytyn tıimdi paıdalaný men hımııa salasy boıynsha bilimderin jetildirý baǵytynda ilkimdi isterdi atqarýda. Odaq tóraıymy Dıana Aralbaevanyń aıtýynsha, bul uıym bıylǵy Jastar jylyna oraı birqatar sharany iske asyrypty. Aldaǵy ýaqytta bul baǵyttaǵy jumystary jalǵasa bermek eken.

– Odaq tarapynan jastardy jataqhana ornalastyrý máseleleri boıynsha da ilkimdi ister jasalynýda. Rasynda, óz isiniń sheberi bolyp, ýaqyt óte kele qyzmet satysy da joǵarylaıdy. Bul turǵyda olarǵa eń áýeli bilim qajet. Sondyqtan Odaq tarapynan jumysshy jastardyń joǵary bilim alýǵa shaqyryp, onyń joldaryn kórsetemiz. Elbasynyń ózi bıylǵy jyldy bizderge enshilep bergennen keıin josparsyz otyrǵan jaraspaıdy. Kompanııanyń bas dırektory Muqash Zulqarnaıulynyń basshylyǵymen seriktestik jastary arasynda úlken mega joba ótken bolatyn. «Bolashaq bizdiń qolymyzda!» dep atalǵan jobanyń jeńimpazdary anyqtalyp, jeńimpazdar marapattaldy, – deıdi D.Aralbaeva.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir