Bolashaqqa baǵdar búginnen bastalady

Elbasy usynǵan «Rýhanı jańǵyrý» shyn máninde ulttyq deńgeıdegi aýqymdy joba. Ol qoǵamdaǵy barlyq salany qamtıtyndyǵymen biregeı sanalady. Sondyqtan, ony qazirgi kezeńdegi uzaqmerzimdi perspektıvaly qazaqstandyq qoǵam damýynyń ózindik ıdeologııalyq platformasy deýge bolady. Osy oraıda Jambyl oblysynyń ortalyǵy-Taraz qalasynda da tyndyrymdy tirlikter atqarylýda.

-Qoǵamdyq sananyń jańarýy ortaq áleýmettik keństikte ómir súrip jatqan halyqtyń qajettilikterimen tikeleı baılanysty júretini belgili. Al Qazaqstan azamattarynyń qoǵamdyq sananyń mazmuny olardyń múddelerimen, ıdeıalarymen, qundylyqtarymen úndes. Ol mádenıet, minez-qulyq tájirıbesi, salt-dástúrdi qosa alǵandaǵy rýhanı negizderge arqa súıeıdi.

Taraz qalasynda Elbasy Nursultan Ábishuly Nazarbaevtyń «Bolashaqqa baǵdar: rýhanı jańǵyrý» baǵdarlamasyn júzege asyrý baǵytynda oblys ákimi Asqar Myrzahmetovtiń basshylyǵymen qarqyndy jumystar atqarylýda. Atap aıtsaq, «Atameken», «Tárbıe jáne bilim», «Rýhanı qazyna», «Aqparat tolqyny» kishi baǵdarlamalary men «100 jańa kitap», «Týǵan jer», «Qazaqstan kıeli jerleriniń geografııasy», «100 jańa esim» arnaıy jobalary boıynsha aýqymdy bastamalar qolǵa alynǵan. Qazaq tilin latyn álipbıi negizindegi grafıkaǵa kóshirý máselesi de nazardan tys qalǵan joq,-deıdi Taraz qalasynyń ákimi Qaırat Dosaev.

Jalpy, 25 jobany iske asyrýǵa 2 mıllıard 472 mıllıon 750 myń teńge qarjy jumsaýdy qajet etip otyr. Byltyr qala ákimdiginiń ekonomıka jáne bıýdjettik josparlaý bólimi 9 jobaǵa 321 mıllıon 600 myń teńge bóldi.

Al, Jambyl oblystyq jobalyq ofıske «Atameken» kishi baǵdarlamasy boıynsha 2 joba usynylǵan. Olardyń jalpy quny 374 mıllıon teńgeni quraıdy. Atalǵan jobalar demeýshilerdiń kómegimen júzege asyryldy. Atap aıtqanda, jeke kásipker Arman Jumabaev temir jol beketi mańyndaǵy skverdi abattandyrýǵa 150 mıllıon teńgege kómek kórsetip, «Araıstroımarket» JShS-niń dırektory Arman Edilbaev «Atshabar» skveriniń qurylysyna 224 mıllıon teńge jumsady. Munyń bári kóne shahardy kórkeıte túsken ıgi sharalar desek, artyq aıtpaımyz.

Bul baǵyttaǵy jumystar aldaǵy ýaqytta da jalǵasyn taba beretin bolady.