Jalǵas Jumaǵulov chempıondyq tıtýlyn qorǵap qaldy (vıdeo)

Jalǵas Jumaǵulov pen Álı Bagaýtınovtyń arasyndaǵy jekpe-jek qazaqstandyq sportshynyń jeńisimen aıaqtaldy dep habarlaıdy Qamshy.kz aqparat agenttigi sports.kz saıtyna silteme jasap. 

Onyń basty jekpe- jegi qazaqstandyq Jalǵas Jumaǵulov (12-3) pen reseılik Álı Bagaýtınovtyń (19-6) arasynda ótti. Báske Jumaǵulovqa tıesili Fight Nights Global chempıony tıtýly tigildi. Bes raýndqa eseptelgen jekpe-jekte tóreshilerdiń sheshimimen Jumaǵulov jeńiske jetti.

Osylaısha Jalǵas Jumaǵulov óziniń chempıondyq tıtýlyn sátti qorǵap, kásibı karerasyndaǵy on úshinshi jeńisine qol jetkizdi. Al buryn UFC-de baǵyn synaǵan reseılik sportshy jetinshi ret jeńiliske ushyrady.

Álı Bagaýtınovtyń tóreshilerdiń sheshimine kóńili tolmady.

"Negizi mamandardyń barlyǵy da meniń jeńgenimdi aıtyp jatyr. Tóreshilerdiń sheshimimen daýlaspaımyn, biraq biz meniń komandammen birge apellıasııaǵa beremiz. Qalaı bolatynyn kóre jatarmyz. Meniń jekpe-jegim úshin qanshama aqsha tigildi. Múmkin, Jalǵasqa jankúıer bolǵandar kóp aqsha jeńip alǵan bolar. Bul qarajatty olar qaıyrymdylyqqa, muqtaj balalarǵa men naýqastarǵa bersin", - dedi Bagaýtınov.