Investorlar qarjy quıýǵa qulyqty

Jambyl oblysy geografııalyq turǵydan ońtaıly ornalasýy ony elimizdiń jáne shet elderden kelgen ınvestorlar úshin qarjy salyp, is júrgizýge asa tartymdy aımaqqa aınaldyryp otyr. Al, qoınaýynyń kenge toly bolýy men topyraǵynyń shuraılylyǵy ónerkásip pen aýyl sharýashylyǵyn damytý arqyly ekonomıkaǵa kólemdi kiris túsirýge múmkindik beredi, dep jazady Qamshy.kz aqparat agenttigi. Tek, atalǵan sharýalardy júrgizýge nıetti tulǵalar men oǵan qarjy salýǵa daıyn azamattar tabylsa bolǵany. Bul rette, qarjy salyp, jumys jasaýǵa nıetti azamattardy tarta bilý asa mańyzdy.

Rasynda Jambyl oblysy ınvestısııa salý úshin asa tıimdi óńir. О́ıtkeni, 144 myń sharshy shaqyrymdy alyp jatqan Jambyl jeri agrarlyq, ónerkásip salasy qarqyndy damyp kele jatqan, ekonomıkalyq jáne ıntellektýaldyq potensıaly qalyptasqan aımaq. Bul rette, ınvestorlar úshin óńirdegi taý-ken, tabıǵı gaz, hımııalyq, munaı óńdeý, tamaq jáne metallýrgııalyq, qurylys materıaldary men elektr energetıkalyq óndiristiń jolǵa qoıylǵany da bizdiń oblysqa kelýge túrtki bolary anyq.

Bir ǵana taý-ken óndirisi salasyndaǵy fosforıt, barıtti jáne marganesti rýdalardy, gaz óńdeý jalpy ónerkásiptik óndiristiń 7 paıyzyn quraıdy. Al, hımııalyq ónerkásip salasy elimiz boıynsha aldyńǵylar qatarynda. О́ıtkeni, atalǵan sala oblystan eksportqa shyǵarylatyn taýarlardyń 70 paıyzyn alady. Al, elimiz boıynsha óndiriletin hımııa ónimderiniń úshten bir bóligin enshileıdi.Árıne, mundaı qazbaly baılyqtardyń mol mólsheri ken óndirýshilerdi qyzyqtyrmaı qoımasy anyq. Budan bólek, oblysymyz fosforıt pen ken óńdeýde qoldanylatyn shpattyń mol qoryna ıe. Sondaı-aq, Áýlıeta jeriniń qoınaýynan mys, altyn, kúmis, qorǵasyn, myrysh sekildi baǵaly metaldar, barıt, kómir, qurylysta paıdalanylatyn túrli sándik tastar men asbest, sement, keramzıt shıkizaty jáne gıpstiń qomaqty mólsheri bar.

Investısııalar tartý kezinde ózara is-qımyl jasaý reglamentine sáıkes jýyrda oblys ákimdigi kásipkerlik jáne ındýstrıaldy-ınnovasııalyq damý basqarmasynda «Djon Ban MetallProm» AQ – nyń ınvestorlarymen kezdesý ótti.

Kezdesýde «Djon Ban MetallProm» AQ jalpy quny 7,8 mlrd. tg quraıtyn myrysh oksıdi men qorǵasyn oksıdin óndiretin sehtardy qaıta qurý jáne qurylys materıaldaryn óndirý (kúıdirilgen kirpishter, trotýar plıtkalary) ınvestısııalyq jobasy tanystyryldy.

Jobany 3 kezeńmen iske asyrý josparlanǵan. Jobany iske asyrýmen barlyǵy 80-nen astam jańa jumys oryndaryn ashý josparlanǵan. Jıyn barysynda qurylys-montajdaý jumystarynyń óndiristik kestesi talqylanyp, jergilikti tehnıkalyq mamandyq ıeleri men jumysshylardyń qajetti resýrsyn tartý máselesi aıtyldy.

Kezdesý nátıjesimen Jambyl oblysy ákimdigi atynan oblys ákiminiń orynbasary N.Kalenderov jáne «Djon Ban MetallProm» AQ basshylyǵy ınvestısııalyq jobany súıemeldeý maqsatynda ózara áriptestik memorandýmǵa qol qoıdy.