• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:44:32
Qazaqstan Ýkraınanyń saýda naryǵyna alańdaýly

16 Qazan, 2019 Aımaqtar

Epızootııalyq ahýal turaqty

Veterınarlyq qaýipsizdik – elimizdiń ulttyq qaýipsizdiginiń basty bóligi bolyp tabylady jáne asa qaýipti janýarlar aýrýynyń jappaı halyq arasynda taralýyna tosqaýyl qoıylmaı, ulttyq qaýipsizdikke qol jetkize almaıtynymyz anyq. Ol jumystardy atqaryp, elimizdiń qaýipsizdigine zor úlesterin qosyp otyrǵan osy otyrǵan veterınarııalyq mamandar qaltqysyz qyzmet etýde.

Jambyl oblysynda bul qyzmetti Qazaqstan Respýblıkasy Aýyl sharýashylyǵy Mınıstrliginiń Veterınarııalyq baqylaý jáne qadaǵalaý komıtetiniń Jambyl oblystyq aýmaqtyq ınspeksııasy atqaryp keledi. Mamandar qyzmetiniń nátıjesinde aımaqta veterınarııalyq is-sharalar júrgizilip, karantın men shekteýler alynǵan asa qaýipti aýrýlardyń taralýynyń aldy alynýda. Atap aıtqanda, oblysymyzda 2018 jyly asa qaýipti juqpaly aýrýlardyń 16 oshaǵy, onyń ishinde: 6 qutyryq aýrýy, 7 qarasan aýrýy, 1 sibir jarasy, 1 epızootııalyq lımfangıt, 1 enterotoksemııa aýrýlary tirkelgen bolatyn. Al aǵymdaǵy jyldyń 9 aıynda asa qaýipti juqpaly aýrýlardyń 12 oshaǵy tirkelgen. Olar: 8 qarasan aýrýy, 2 qutyryq aýrýy, 4 enterotoksemııa aýrýy. Barlyq oshaqqa der kezinde veterınarııalyq is-sharalar júrgizilip, aýyl sharýashylyǵy maldary tolyq vaksınasııalanyp, zalalsyzdandyrý jumystary ýaqytyly júrgizilgen. Shekteý nemese karantın is-sharalary toqtatylyp, shekteýler alynǵan.

Bul rette Qazaqstan Respýblıkasy Aýyl sharýashylyǵy Mınıstrliginiń Veterınarııalyq baqylaý jáne qadaǵalaý komıtetiniń Jambyl oblystyq aýmaqtyq ınspeksııasy basshysynyń orynbasary Jandar Qoekeev áli de bolsa asa qaýpti aýrýlarmen kúresý jáne aldyn alý barysynda kemshilikter kezdesip jatatynyn aıtady.

– Shyndyǵyn aıtýymyz kerek, josparly vaksınasııalaý barysynda emdelmegen aryq, býaz janýarlardy keıinnen qaıtadan barmaı, emdelmeı ketýi múmkin, veterınarııalyq qujattardy toltyrýdaǵy, janýarlardyń qozǵalysyn baqylaýdaǵy, jeke jáne zańdy tulǵalar arasynda asa qaýipti juqpaly aýrýlar jáne «Veterınarııa týraly» Zańnyń 25-baby boıynsha janýarlar ıeleriniń jaýapkershiligi týraly túsindirý jumystarynyń júrgizý barysynda kemshilikter kezdesýde. Ásirese maldyń qozǵalysyn qatań baqylaýǵa alý úshin ishki ister qyzmetkerlerimen birigip jumys isteýimiz qajet. Osy atalǵan kemshilikterdi joıýǵa atsalysyp, bir jolǵa qoıýymyz kerek, – deıdi Jandar Mııatuly.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir