Serpilis syılaǵan semınar

Shoqan Ýálıhanov atyndaǵy Jambyl oblystyq ǵylymı ámbebap kitaphanasynda jalpy bilim beretin orta mektepterdiń «Kórkem eńbek» sabaǵyndaǵy qazaq álipbıiniń latyn qaripindegi Kallıgrafııa jáne letterıngi» taqyrybynda semınar ótkizdi.

Latyn qaripindegi qazaq álipbıiniń kórkemdep tańbalanýyn arnaıy úıretýge baǵyttalǵan semınardyń basty maqsaty – otanshyldyq pen azamattyqqa tárbıeleý, sondaı-aq óskeleń urpaqtyń rýhanı-adamgershilik qundylyqtaryn, qazaqstandyq biregeıligin qalyptastyrý, latyn tilinde kórkemdep jazýdy muǵalimder men oqýshylar arasynda nasıhattaý, qazaq sózderiniń jańa grafıkalyq beınesin bekitý.

Oblys ákimi apparatynyń «Qoǵamdyq kelisim» mekemesiniń uıymdastyrýymen semınar jumysyna Taraz qalasynyń jalpy bilim beretin mektepteriniń «Kórkem eńbek» pániniń muǵalimderi qatysty.

Sharany oblys ákimi apparatynyń «Qoǵamdyq kelisim» mekemesi kórme zalynyń meńgerýshisi Vera Maıkovıch ashyp, semınar jumysyna sáttilik tiledi. Vera Andreevnanyń aıtýynsha ustazdarǵa qazaq álipbıiniń latyn qaripinde kórkemdelip jazylýy arqyly bolashaq urpaqtyń sanasyna áripterdiń saýatty ári ásem jazylý úlgisin qalyptastyrady eken. –Árbir azamattyń el bolashaǵy úshin jaýapkershiliginiń zor ekendigin durys túsinýdi nasıhattaý, básekege qabilettiliktiń mańyzdy baǵyttaryn aıqyndaý, pragmatızm, ulttyq biregeılikti saqtaý, sananyń ashyqtyǵy jáne memleket damýynyń evolıýsııalyq joly bolyp tabylatyn jańa áleýmettik-mádenı ortany qalyptastyrý bizdiń negizigi mindetimiz bolyp sanalady. Búgingi tolqyn kelesi tolqynnyń zaman talabyna saı ósip-jetilýin qamtamasyz etýimiz qajet. Mine, sondyqtanda sizderdi jınap sabaq barysynda oqýshylardyń latyn qarpindegi qazaq álipbıiniń durys tańbalanýyn úıretse eken degen tilegimiz bar jáne jáı ǵana úıretpeı asa kórkemdik pen ásem jazylýyn boılaryna darytsa eken dep otyrmyz, - deıdi kórme zalynyń jetekshisi.

Semınardy qazaq tilinde «Mektepten tys jumys jáne balalar shyǵarmashylyǵy ortalyǵynyń» qosymsha bilim berýshi pedagogy - Begaıdarova Elmıra Sarsenqyzy júrgizse, orys tilinde №40 mektep-gımnazııanyń muǵalimi - Shaıheslıamova Dıana Tımýrqyzy ótkizdi. Qos tilde ótken semınar barysynda ustazdar latyn qaripindegi qazaq sózderin erekshe kallıgrafııalyq pishinde jazýdy úırendi.

Jıyn sońynda muǵalimderge sertıfıkattar tabystaldy. Al, semınarǵa qatysýshy ustazdar tarapynan sharany uıymdastyrýshy mekemege alǵys aıtyldy.