Sıfrlyq ortalyqtardyń tıimdiligi mol

Elbasy usynǵan «Sıfrly Qazaqstan-2020» baǵdarlamasy kitaphana salasynda da óz nátıjesin berýde. Onyń jarqyn jemisin Áýlıeata óńirinen de aıqyn ańǵarýǵa bolady. Mysaly, aımaqtaǵy kitaphanalarda búginge deıin 130 sıfrlandyrylǵan aqparattyq jáne kovorkıng ortalyqtary ashylǵan. Olardy paıdalanýshyra qatary da kúnnen kúnge kóbeıip keledi. Sh. Ýálıhanov atyndaǵy oblystyq ámbebap ǵylymı kitaphanasynyń kitaphanany damytý bóliminiń meńgerýshisi Janat Jetpisbaevanyń aıtýynsha, búginde jalpy 112 sıfrlandyrylǵan aqparattyq ortalyqty paıdalanýshylar sany 85662 adamǵa jetken.

–Paıdalanýshylardyń túrli baǵyttaǵy 71732 suranysy Internet jelisi arqyly qanaǵattandyryldy. 20 myńnan asa suranys – qala turǵyndarynan tússe, aýyl turǵyndarynyń 52 myńǵa jýyq suranysyn aýyldyq kitaphanalardaǵy sıfrlandyrylǵan aqparattyq ortalyqtar qyzmetkerleri jan-jaqty aqparatpen qamtamasyz etken.

Aqparattyq ortalyqtarda «cao-zhambyl» saıty arqyly aýyl turǵyndarynyń kúndelikti turmysyna qajetti aqparattar, egov.kz portalyndaǵy birneshe qyzmet túrlerin alýǵa múmkindik jasalǵan. Búgingi kúni ortalyqtarda 10 myńnan asa anyqtama berilip, tikeleı saıt arqyly 3000-nan astam suranys qanaǵattandyryldy. Mysaly, egov.kz portaly arqyly osy ýaqytqa deıin 8 qyzmet túri kórsetilse, búgingi tańda bul qyzmet aıasy kúnnen-kúnge keńeıtilip, qyzmet túri 13-ge jetti. 10649 anyqtamanyń basym bóligi: 6054 - meken-jaılyq, 1337 - zeınetaqy qory, 1013 - sottalǵan nemese sottalmaǵan týraly (bar/joq) anyqtamalar,-deıdi Janat Qalmaǵanbetqyzy.

Al, Jambyl aýdandyq ortalyqtandyrylǵan kitaphanalar júıesinde ótken jyly aýdandyq ortalyq kitaphana, Aıshabıbi, Grodekovo, Tastóbe, Ernazar, Besaǵash, Toǵyztaraý aýyldyq kitaphanalarynda 7 sıfrlandyrylǵan aqparattyq ortalyq ashylsa, bıyl taǵy 5 sıfrlandyrylǵan aqparattyq ortalyq paıladanýǵa belilip otyr. Atap aıtqanda, Ashybulaq aýyldyq klýbynda ornalasqan Ashybulaq aýyldyq kitaphanasynan, jeke ǵımaratta ornalasqan Shaıqoryq aýyldyq kitaphanasynan, Bektóbe aýyldyq mádenıet úıinde ornalasqan Bektóbe aýyldyq kitaphanasynan, Eńbek aýyldyq klýbynda ornalasqan Eńbek aýyldyq kitaphanasynan, Birlesý-Eńbek aýyldyq klýbynda ornalasqan Birlesý-Eńbek aýyldyq kitaphanasynan sıfrlandyrylǵan aqparattyq ortalyǵy jumys isteýde. Ashylǵan bul ortalyqtar búginde el ıgiligine jarap otyr.