• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:34:50
Qazaqstan Ýkraınanyń saýda naryǵyna alańdaýly

14 Qazan, 2019 Mańǵystaý oblysy

Aqtaýda Ábish Kekilbaıuly atyndaǵy mýzeı ashyldy

Aqtaýda jańa mýzeı ashyldy. Ortalyqqa memleket jáne qoǵam qaıratkeri Ábish Kekilbaıulynyń esimi berildi. Nysannyń ashylý saltanatyna QR Prezıdenti Qasym-Jomart Toqaev, Ábish Kekilbaıulynyń jary Klara Jumabaıqyzy, elimizge belgili aqyn-jazýshylar men qoǵam qaıratkerleri jáne birneshe elden arnaıy kelgen qonaqtar qatysty. Ortalyqtyń dál aldyna tereń oı, tegeýrindi talant ıesiniń rýhyna qurmet kórsetilip, abyz tulǵa eskertkishi turǵyzylǵan. Shymyldyǵy túrilgen eńseli eskertkish - búkil sanaly ǵumyryn, eseli eńbegin týǵan halqyna baǵyshtaǵan ardaqty perzentine degen ıisi qazaqtyń shynaıy kóńili. Memleket basshysy eskertkishke gúl shoqtaryn qoıyp, mańǵystaýlyqtardy aıtýly sharamen quttyqtady.

       «Búgin mine, zańǵar jazýshy, asa kórnekti memleket jáne qoǵam qaıratkeri Ábish Kekilbaev rýhyna taǵzym etýge jınaldyq. Bul tek Mańǵystaý jeri  ǵana emes, búkil elimiz úshin mańyzdy oqıǵa. Jańa ǵımaratqa qonystanǵan tarıhı-ólketaný mýzeıine  Ábish Kekilbaev esimi berildi. Uly oıshyl Ábish Kekilbaev qandaı qurmetke de laıyqty. Eskertkish ornatýǵa at salysqan barlyq azamattarǵa alǵys aıtamyz,bul -  Ábish aǵamyzdyń 80 jyldyq mereıtoıyna laıyqty tartý boldy. Biz búgin rýhyn ulyqtap otyrǵan Ábish Kekilbaev adamzattyq bolmystyń joǵary deńgeıine kóterilgen birtýar tulǵa, qazaq halqynyń uly perzenti. Halyqtyń maqtanyshyna aınalǵan azamattardyń esimin jadymyzdan shyǵarmaý – barshamyzdyń paryzymyz. Ol - Qazaqstannyń eńbek eri ataǵyna ıe bolǵan tuńǵysh qalamger. Ádebıette ulttyq sanany saqtaý úshin mol eńbek etken. Jazýshynyń eńbekteri álem ádebıetiniń altyn qoryna tıesili. Ábish aǵamen parlamentte áriptes retinde etene aralastym. Onyń «Táýelsizdik - tátti sóz ǵana emes, ulttyq jaýapkershilik» degen tujyrymy barshaǵa oı salady», - degen QR Prezıdenti Qasym-Jomart Toqaev jastardy Ábish Kekilbaevtyń qoǵamdyq-saıası kózqarastaryn tanyp-bilýge shaqyrdy. 

         Bıiktigi tuǵyrymen qosqanda 6 metrdi quraıtyn eńseli eskertkish qoladan quıyldy. Al, tuǵyry granıtpen qaptalǵan.

         Prezıdent bastaǵan resmı delegasııa ortalyqtaǵy Ábish Kekilbaıuly esimi berilgen mýzeımen tanysyp, murajaıǵa Uly Abaıdyń kartınasyn syıǵa tartty. Aýdany 8742 sharshy metrdi quraıtyn oblystyq tarıhı-ólketaný mýzeıi jazýshynyń ómiri men shyǵarmashylyǵyna jáne memlekettik qyzmet jolyna arnalǵan ekspozısııalyq zaldardan turady.

         Mýzeıde Ábish Kekilbaıulyna arnalǵan jańa kitaptar tanystyryldy. Ábish Kekilbaev shyǵarmalarynyń 25 tomdyǵyn shyǵarý jobasy qolǵa alynǵan edi. Sonyń 7 tomy "Jazýshy» baspasynan basylyp shyqty. Ǵarıfolla Ánes tańdamaly ensıklopedııalyq jınaǵyn toptastyrdy. Bul kúni Saýytbek Abdrahmanovtyń«Abyz» atty kitabynyń tusaýy kesildi.Al, Mańǵystaý oblystyq mádenıet basqarmasy jasaǵan «Ábish álemi» fotoalbomy da kópshilik nazaryna usynyldy. Ábish KekilbaıulyÁbish KekilbaıulyÁbish Kekilbaıuly

        

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir