ShQO-da jaratylystaný pánderi aǵylshynsha oqytylady

Besqaraǵaı aýdanyndaǵy 15 mektepte IT-synyptary ashyldy. Osy maqsatta oblystyq bıýdjetten tıisti qarajat bólindi. Bul týraly aımaqtyq kommýnıkasııalar qyzmetinde ótken brıfıngte ShQO Besqaraǵaı aýdanynyń ákimi Dáýlet Batyrbaev málim etti.

Bıylǵy oqý jylynda oblys ákimi Danıal Ahmetovtiń qoldaýymen áleýmettik jaǵynan az qamtylǵan jáne kópbalaly otbasylardan shyqqan 747 balaǵa tegin mektep formasy berildi. Brıfıngke qatysqan aýdan ákimi osylaı dedi.

– Aýdannyń 16 mektebinde jaratylystaný sıkli pánderin aǵylshyn tilinde oqytý engizildi, 29 muǵalim «Fızıka», «Hımııa», «Bıologııa», «Informatıka» pánderiniń muǵalimderi úshin tildik qaıta daıarlaý kýrstarynan ótti. Búgingi kúni 7 hımııa muǵalimi, 8 bıologııa muǵalimi, 9 fızıka muǵalimi, 5 ınformatıka muǵalimi pánderdi aǵylshyn tilinde oqytady. Onyń ishinde 10 oqytýshy halyqaralyq TKT CLIL testterin tapsyrdy, – dedi Dáýlet Batyrbaev.