Sıfrlyq dáýirge qaryshty qadam

Dál qazir Qazaqstan sıfrlyq dáýirge qaryshty qadam basty. Ony oblys ortalyqtary men megapolıster ǵana emes, shalǵaıdaǵy eldi mekender de sezýde. Burnaǵy kezi tek teledıdardan kóretin elektrondy qyzmet túrleri búginde alystaǵy aýyldarǵa jetip, qara halyq órkenıet kóshinen bir eli qalmaýda. Ári «Sıfrlyq Qazaqstan» jobasy barlyq salada qarqyndy qoldanylýda, dep jazady Qamshy.kz aqparat agenttigi.  Oǵan dálel, qazirgi tańda Jambyl oblysynda halyq sanaǵyn júrgizý úshin elektrondyq kartany jańartý boıynsha aýqymdy ister atqarylýda. Taraz qalasy men aýdan ákimdikteriniń eldi mekenderdiń elektrondy kartografııalaryna jańartý túzetý engizý úshin Taraz qalasy men aýdan ákimdikterine qajetti qarjy kóleminiń esebi jasaqtalyp, sáýlet, qala qurylysy jáne qurylys salasyndaǵy qyzmetti júzege asyratyn lısenzııasy bar 5 merdiger mekemeleriniń salaǵa qatysty qujattaryn bir kózden memlekettik satyp alýdy alý tásilimen merdiger usynǵan «Taraz Taý Joba» JShS , «Sımvol-Plıýs» JShS, «GIS» JShS, Taraz qalasynyń «Jer kadastr ortalyǵy» JShS úlgilik kelisim-shart, jańartý jumystaryna qajet etiletin alǵashqy derekter tizbesi, baǵa usynystary, tehnıkalyq erekshelikteri lısenzııa qujattaryn kommersııalyq usynystaryn zerdelep tıptik tehnıkalyq shart jáne úlgilik kelisim-shart jobalary ázirlenip, Taraz qalasy men aýdan ákimdikterine 2016 jyly ázirlengen qylmystyq quqyq buzý kartasyn qaıta jańǵyrtýǵa jáne 2019 jergilikti bıýdjetten qarjy kózderin qarastyryp, qaıta jańartý jumystary júrgizilýde.

Bul árıne tirliktiń basy ǵana. Elektrondyq kartanyń jambyldyqtarǵa bereri mol ekeni daýsyz. Odan bólek, halyq sanaǵyn júrgizýde de elektrondy kartaǵa súıene otyryp, tizimdi túzeýge de múmkindik týmaq. Biz sóz etip otyrǵan sıfrlyq dáýir bul ǵana emes, búginde quqyq salasynda da keńinen qoldanylýda. Atap aıtsaq, qazir barlyq eldi mekender men shalǵaıdaǵy aýyldardyń aýlasyna deıin beıne baqylaý júıesi jetip jatsa, zamanaýı qondyrǵylarmen jabdyqtalǵan polısııa kólikteri joldarymyzben júıtkip júr. Ol az deseńiz, burnaǵy kezi jol saqshylary tártip buzǵan júrgizýshilerge aıyppuldy qaǵazben jazyp beretin bolsa, qazir kompterlik baǵdarlama sizge aıyppul jazý kerek pa, álde joq pa, soǵan deıin sheship beredi. Iаǵnı júrgizýshi buǵan deıin jol erejesin buzbaǵan bolsa, oǵan bir jolǵa eskertý túrindegi jaza belgilenýi múmkin. Mine búgingi sıfrlyq dáýir osy bıikke deıin jetip otyr. Bul árıne keleshegimizdiń qandaı bolarynyń bastapqy kórinisi.