• USD 389.52
  • EUR 429.21
  • RUB 6.07
  • CNY 54.94
15 Qazan, 15:34:55
Saılaý qarsańynda "joǵalyp ketken" akter Shrı-Lankadan sálem joldady (vıdeo)

12 Qazan, 2019 Saıasat

Qazaqstan-Qytaı sybaılas jemqorlyqqa qarsy Memorandýmǵa qol qoıdy

Qazaqstan-Qytaı sybaılas jemqorlyqqa qarsy qyzmeti yntymaqtastyq týraly Memorandýmǵa qol qoıdy dep jazady Qamshy.kz aqparat agenttigi anticorruption.gov.kz saıtyna silteme jasap.

2019 jyldyń 11 qazanda Qazaqstan Respýblıkasy Sybaılas jemqorlyqqa qarsy is-qımyl agenttiginiń alańynda Agenttik Tóraǵasy Alık Shpekbaev QKP OK Saıası Bıýrosynyń múshesi, QHR memlekettik qadaǵalaý komıssııasynyń tóraǵasy IаN Sıaodamen kezdesti.

Kezdesý barysynda Agenttik Tóraǵasy qytaılyq áriptesin Qazaqstannyń sybaılas jemqorlyqqa qarsy saıasatynyń negizgi erejeleri, Agenttiktiń qyzmeti týraly habardar etti.

Qytaı delegasııasynyń basshysy Agenttiktiń qyzmetine oń baǵa berdi jáne óz kezeginde Sybaılas jemqorlyqqa qarsy is-qımyldaǵy MQK jumysy men qol jetkizgen nátıjeleri týraly aıtty.

Tıimdi áriptestikti ornatý maqsatynda taraptar О́zara túsinistik pen yntymaqtastyq týraly Memorandýmǵa qol qoıdy, ol birlesken jobalardy iske asyrýdy jandandyrýǵa, aqparat almasýdy júzege asyrýǵa múmkindik beredi.

Sonymen qatar, kezdesý aıasynda Agenttik qyzmetkerlerin QHR Tártiptik baqylaý jáne qadaǵalaý akademııasynda oqytý, sondaı-aq atalǵan akademııanyń Qazaqstan Respýblıkasy Prezıdenti janyndaǵy Memlekettik basqarý akademııasymen yntymaqtastyǵy máseleleri talqylandy.

Anyqtama: Memlekettik qadaǵalaý komıssııasy (MQK) tergeý jáne tergeý áreketterin júrgizý ókilettigine ıe. MQK-ǵa QHR sybaılas jemqorlyqqa qarsy kúres jónindegi baqylaý mınıstrligi men memlekettik basqarmasy kirdi. QHR Konstıtýsııasyna engizilgen jańa túzetýlerge sáıkes MQK organdary memlekettik bılikti bildiretin barlyq qyzmetkerlerdi qadaǵalaýdy júzege asyrýǵa ýákiletti bolady. Bul qadaǵalaý organdarynyń Halyq О́kilderi Jınalysynyń (HО́J) múshelerin de baqylaıtynyn, sonymen qatar HО́J depýtattary qadaǵalaý organdarynyń óz mindetterin adal atqaratyndyǵyn anyqtaıdy, bul qos qadaǵalaý tetigin qalyptastyrady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir