11 Qazan, 2019
Donald Tramp: Túrkııa 200 jyldan beri bir-birimen soǵysyp jatqan kúrdterge shabýyl jasap jatyr
Túrik áskeri Sırııanyń soltústik-shyǵysynda AQSh-qa odaqtasqan kúrdter basqarǵan áskerı odaqqa qarsy iri shekara operasııasyn bastady. Sırııadaǵy AQSh áskerleri shekara aımaǵynan shyqqannan keıin oryn aldy.
Túrik áskeri Sırııanyń soltústik-shyǵysynda AQSh-qa odaqtasqan kúrdter basqarǵan áskerı odaqqa qarsy iri shekara operasııasyn bastady. Bul Sırııadaǵy AQSh áskerleri shekara aımaǵynan shyqqannan keıin oryn aldy.
Bul týraly AQSh Prezıdenti Donald Tramp Twitter jelisindegi paraqshasynda: «Biz «Irak jáne Levant Islam memleketi» halıfatyn 100% jeńdik, endi Túrkııanyń Sırııadaǵy shabýylyna ushyraǵan aımaqta bizdiń ásker joq. Biz óz jumysymyzdy keremet oryndadyq! Qazir Túrkııa 200 jyldan beri bir-birimen soǵysyp jatqan kúrdterge shabýyl jasap jatyr», - dep jazǵan bolatyn.
Túrkııa memleketiniń kúrd áskerine shabýyl jasaýynyń birden-bir sebebi: Túrkııa kúrdter bastaǵan odaqtaǵy eń úlken mılısııany terrorıstik top dep sanaıdy. Bul Túrkııadaǵy kúrdterdiń kóterilisshiler tobynyń jalǵasy dep aıtady.
Túrkııa áskeri Sırııa jerine kirgennen keıin kúrd jasaǵy halyqaralyq qaýymdastyqqa eskertý jasady: Eger bizge shabýyl jasalsa, ILIM («Irak jáne Levant Islam memleketi» halıfaty) qaıtyp keledi.
Kúrd jaýyngerleri Túrkııamen soǵysý úshin qyzmetterin tastap ketetin bolsa, myńdaǵan «ISIS» tutqyndary otyrǵan túrmeniń buzylý qaýpi bar.
Sırııanyń Demokratııalyq Kúshteriniń ókili Mustafa Balı: «ISIS-tiń qaıtyp kelmeýi úshin kóp jumys jasaýymyz kerek. Amerıka ketse, bári joıylady»
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir