Bilim salasyndaǵy jemqorlardyń tizimi jarııalandy

Sybaılas jemqorlyqqa qarsy is-qımyl agenttigi muǵalimder arasynda túsindirý jumystaryn bastady. Búgin astanada arnaıy jıyn ótip, sol jerde bilim salasyndaǵy jemqorlardyń tolyq tizimi jarııalandy, dep habarlaıdy Qamshy.kz aqparat agenttigi Sputnik Qazaqstan tilshisiniń deregine súıenip. 

Jınalys kezinde astanalyq muǵalimderge arnaıy beınerolık kórsetildi. Onda bilim salasyndaǵy jemqorlardyń isterine sholý jasalady. Rolıktiń basynda burynǵy bilim jáne ǵylym vıse-mınıstri Elmıra Sýhanberdıeva men №3 mektep gımnazııasynyń burynǵy dırektory Elena Shevernıaevanyń isi jaıynda aıtylady. Odan keıin "Kásipqor"holdınginiń basqarma tóraǵasy Eldana Sádýaqasovanyń qylmysy baıandalǵan. Ol óndiristik qural-jabdyqtarǵa bólingen 2,4 mıllıon AQSh dollaryn jymqyryp ketken. Budan bólek, Aqtóbe, Mańǵystaý, Qaraǵandy, Shyǵys Qazaqstan men Almaty oblystarynda bolǵan jemqorlyq áreketterdiń tolyq tizimi jasalypty. Sonyń barlyǵy vıdeoda kórsetilgen.

Agenttiktiń aqparaty boıynsha sońǵy úsh jyldyń ishinde bilim berý salasynda 450 jemqorlyq faktisi tirkelgen. Sotqa 355 qylmystyq is joldandy. Osy qylmystar boıynsha 178 adam sottaldy