• USD 389.52
  • EUR 429.21
  • RUB 6.07
  • CNY 54.94
19 Qazan, 16:43:13
Nazarbaev: "Nur Otan" halyqty mazalaıtyn máselelerge aralaspaıdy

08 Qazan, 2019 Saıasat

Nazarbaeva: Basshylyq laýazymǵa áıelderdi alý kerek

Nazarbaevanyń pikirinshe, Qazaqstan halqynyń 50 paıyzynan astamy áıelder ekenine qaramastan, olar basshylyq qyzmetterde az.

Senat Tóraǵasy Darıǵa Nazarbaeva Batys Qazaqstan oblysyna jumys sapary barysynda máslıhat depýtattarymen, máslıhat janyndaǵy Qoǵamdyq keńes múshelerimen jáne Kásipker áıelder assosıasııasynyń ókilderimen birqatar kezdesýler ótkizdi.

Máslıhat depýtattary aımaqtyń damýyna qatysty Jaıyq ózenindegi ekologııalyq jaǵdaı, kásipkerlikti damytý, agroónerkásip keshenin qoldaý týraly eń mańyzdy máselelerdi ortaǵa saldy.

– Múmkin, biz ár oblysqa arnalǵan parlamenttik tyńdaýlar josparlaýymyz kerek shyǵar. Sonda biz jergilikti jerlerdegi adamdardy ne tolǵandyratynyn, sheshilmeı jatqan qandaı júıeli problemalar baryn birden biletin bolamyz. Bul jerde retteýdiń joqtyǵynan nemese onyń jetkiliksizdiginen, bolmasa zańnamalyq bazanyń álsizdiginen sheshilmeıtin máseleler týraly sóz bolyp otyr, – dedi D.Nazarbaeva máslıhat depýtattarymen kezdesýde.

D.Nazarbaeva máslıhat janyndaǵy Qoǵamdyq keńes múshelerimen kezdesýde qazirgi kezde elimizde 4 myńǵa tarta adam jumys isteıtin 200-den astam keńes qurylǵanyn eske saldy. Senat basshysynyń aıtýynsha, qoǵamdyq keńesterdiń mindeti – qabyldanatyn sheshimderge turaqty saraptama jasaýdyń esebinen atqarýshy jáne zań shyǵarýshy bıliktiń óńirlik organdary jumysynyń sapasyn arttyrý, memlekettik bılik organdarynyń aldyna aımaq halqyn barynsha alańdatatyn ózekti máselelerdi qoıa bilý. 

 

Kásipker áıelder assosıasııasynyń ókilderimen júzdesken Darıǵa Nazarbaeva Qazaqstanda basshylyq laýazymǵa áıelderdi kóbirek alý qajettigin atap ótip, memlekettik basqarý men elimizdiń saıası ómirine áıelderdiń qatysýyn keńeıtýge nazar aýdardy.

Onyń pikirinshe, Qazaqstan halqynyń 50 paıyzynan astamyn áıelder ekenine qaramastan, olar memlekettik qurylymdarda az.

– Memlekettik organdar nemese kompanııalardyń basshylarymen qosa, kóptegen jumys berýshi basshylyq laýazymǵa áıelderge qaraǵanda er adamdy kóbirek alatyny qupııa emes. Bul jaǵdaıdy respýblıkalyq ta, aımaqtyq deńgeıde de ózgertý kerek, – dedi Nazarbaeva.

Qazaqstan Respýblıkasy Parlamenti

Senatynyń Baspasóz qyzmeti

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir