Toqaev Pýtınmen telefon arqyly sóılesti

Qazaqstan prezıdenti Qasym-Jomart Toqaev Reseı prezıdenti Vladımır Pýtındi týǵan kúnimen quttyqtady. Bul týraly Aqorda saıty habarlady.

Aqordanyń habarlaýynsha, Toqaev Pýtınmen telefon arqyly sóılesken.

– Qasym-Jomart Toqaev Reseı Federasııasynyń prezıdenti Vladımır Pýtındi týǵan kúnimen quttyqtap, zor densaýlyq, baq-bereke jáne Reseı halqynyń ıgiligi jolyndaǵy eńbegine tabys tiledi.

Vladımır Pýtın Qasym-Jomart Toqaevqa quttyqtaǵany úshin rızashylyq bildirip, dostyq pen tatý kórshiliktiń berik qarym-qatynasyna qurylǵan Qazaqstan men Reseı arasyndaǵy yntymaqtastyqtyń joǵary deńgeıde ekenin atap ótti.

Eki eldiń basshylary aldaǵy jumys kestesin aqyldasty. Onyń ishinde, bıylǵy 6-7 qarasha kúnderi Omby qalasynda ótetin Qazaqstan men Reseı yntymaqtastyǵynyń XVI aımaqaralyq forýmyna daıyndyq barysyn talqylady, – delingen Aqordanyń habarlamasynda.