Júıeli jumystardyń jemisin jurt kórýde

Memleket basshysy Q.Toqaevtyń Qazaqstan halqyna alǵashqy Joldaýynda mán bergen mańyzdy máselelerdiń qatarynda ınfraqurylymdy damytý jaıy da bar. Osy oraıda Prezıdent «Aldaǵy úsh jyl ishinde turǵyndardy taza aýyz sýmen jáne sý jetkizýmen qamtamasyz etýge shamamen 250 mıllıard teńge bólinedi.

Atqarýshy bılik organdary «Nurly jol» baǵdarlamasyn tolyq jáne sapaly iske asyrýǵa basa mán berýi kerek.

Bul – strategııalyq joba. Sonyń arqasynda búkil kólik ınfraqurylymy jańǵyrtylady.

Osy maqsatqa oraı, memleket 2022 jylǵa deıin 1,2 trıllıon teńgeden astam ınvestısııa salady.

Úkimet buǵan deıin de kóp qarajat bólgen bolatyn, biraq onyń kóbi qumǵa sińgen sýdaı joq bolyp ketti. Ashyǵyn aıtsaq, sheneýnikterdiń qaltasyna ketti, al taza sý, jol jáne basqa da ınfraqurylymnyń jaǵdaıy áli de sol kúıinde.

Bul joly Úkimet pen Parlament Esep komıtetimen birlesip, bıýdjet qarajatyn tolyǵymen tıimdi paıdalanýdy qamtamasyz etýi tıis» dep atap ótti.

Búginde Qordaı aýdanynda eldi mekenderdi aýyzsýmen, gazben qamtý, avtomobıl joldaryn jańǵyrtý jumystary jandana túsýde.

Bekitilgen mejege sáıkes aımaqta ortalyqtandyrylǵan sýmen qamtamasyz etý ındıkatory 70,7 paıyzǵa josparlanyp, oryndalǵan. Iаǵnı, aǵymdaǵy jyly Áljan ana aýylynda sý júıesiniń qurylysy aıaqtalyp otyr. Nátıjesinde ındıkator byltyrǵy jyldyń esepti kezenimen salystyrǵanda 2 paıyzǵa ulǵaıyp, 29 eldi meken ortalyqtandyrylǵan sýmen qamtylǵan.

Al bekitilgen mejege sáıkes ortalyqtandyrylǵan gazben qamtamasyz etý ındıkatory 29 paıyzǵa josparlanyp, byltyrǵy jyldyń deńgeıinde saqtalyp otyr. Qordaı aýdanyndaǵy eldi mekenderdi gazdandyrý máselesin kezeń-kezeńimen sheshý boljamdanyp, búginde I kezeń boıynsha Otar aýmaǵyndaǵy eldi mekenderdi gazdandyrý úshin jobalyq-smetalyq qujattamasyn ázirleýge aýdandyq bıýdjetten 28,5 mıllıon teńge bólinipti.

Jol jóndeý jumystary da jergilikti bıliktiń jiti nazarynda. Aýdan boıynsha jalpy 583,8 shaqyrym joldar bar. Olardyń 263 shaqyrymy respýblıkalyq mańyzy bar joldar. Sondaı-aq oblystyq mańyzy bar 105 shaqyrym jáne aýdandyq mańyzy bar 215,8 shaqyrym bar.

Esepti kezeńde Noǵaıbaı-Sarybastaý aýyldary aralyǵyndaǵy 2,5 shaqyrym jáne Betqaınar-Soǵandy aralyǵyndaǵy 3 shaqyrym jolǵa jóndeý jumystary aıaqtalyp, nátıjesinde ındıkator 78 paıyzdy qurady. Al О́tegen-Báıterek aýyldary aralyǵyndaǵy uzyndyǵy 8 shaqyrym joldyń jóndeý jumystary aıaqtalǵan soń ındıkator 100 paıyz oryndalyp, byltyrǵy jylmen salystyrǵanda 4 paıyzǵa artady dep kútilýde.