«Dúısenbilik sport» jobasy óz máresine jetti

«Dúısenbilik sport» memlekettik-áleýmettik jobasy aıasynda Almaty qalasy Qoǵamdyq damý basqarmasynyń qoldaýymen «Adyrna» qoǵamdyq qorynyń uıymdastyrýymen «Olja» sport fýtbol alańynda bazar jastary arasynda jaz boıy ótken saıystyń aqtyq máresi ótti.

«Dúısenbilik sport» jobasy aıasynda Almaty qalasyndaǵy 46 saýda ornynda sporttyq sharalarǵa (fýtbol jáne voleıbol) qatysýǵa shaqyrý maqsatynda úgit-nasıhattyq jumystar, bazar ákimdikterimen kelissózder júrgizildi. Nátıjesinde qalalyq bazarlardan 32 fýtbol komandasy, 16 voleıbol komandasy iriktelip shyqty.

Jalpy oıyndar barysynda ádemi oıyn úlgisin kórsetip, 4 komanda iriktelip shyqqan edi. Atap aıtqanda «7 qurdas-2», «Kar-sıtı», «Salamat» jáne «Bahar ı K» komandalary aqtyq saıysta ózara jeńimpazdy anyqtady.

Ashylý saltanaty QR ánuranymen bastalyp, ármen qaraı «Adyrna» ulttyq etnografııalyq birlestigi qoǵamdyq qorynyń prezıdenti Arman Serikuly Áýbákir sporttyń qasıeti, mańyzy jáne mánin nasıhattap, salaýatty ómir saltyn saqtaý jastardyń órkendeýiniń, ulttyń bolashaǵynyń  sara joly ekenin aıtyp, sportshylarǵa sáttilik tiledi.

О́te tartysty ótken fýtbol oıyny barysynda tómendegideı komandalar jeńis tuǵyrynan kórindi.

Birinshi oryn – «Salamat» kýbok, medal, dıplom jáne 150 myń teńge aqshalaı syılyqpen;

Ekinshi oryn – «Kar-sıtı» kýbok, medal, dıplom jáne 100 myń teńge aqshalaı syılyqpen;

Úshinshi oryn – «Jeti qurdas» kýbok, medal, dıplom jáne 50 myń teńge aqshalaı syılyqpen;

Tórtinshi oryn – «Bahar ı K» kýbok, medal, dıplom jáne 30 myń teńge aqshalaı syılyqtarmen marapattaldy.

Muhamedjan ÁBDIBEK