03 Qazan, 2019 Aıtty-eı, baýyryń!
Muhamedjan! Árkim óziniń tabıǵaty men sana sezimine qaraı áreket etedi. Adam ne aıtyp, ne istese de ózine isteıdi. Biraq ótinish, sasyq saıasatyń men jaǵympazdyǵyńa asyl dinimizdi aralastyrmashy.
Aqsaqalyńdy saqalynan súırep, aq oramaldy ájeńniń quımyshaǵynan tebesiń be, ol seniń sharýań, seniń jetken jeriń. Qaǵbada adamdarǵa kedergi keltirip, namaz oqyǵandarǵa polısııa bir ret eskertkennen keıin quımyshaǵyn syndyra jazdaıtyndaı etip, quıryǵynan qatty tebedi depsiń. Tepse adamgershilikten aınyp, patshasyna tabynyp otyrǵan saýdııańdaǵy keıbir polısııalaryń tebetin shyǵar. Biraq mundaı aıýandyqty ıslam turmaq, kókiriginde azǵantaı adamdyǵy bar kez-kelgen adam jasamaıdy. Jasaı da almaıdy. "Buǵan búkil ıslam ǵulamalary pátýa bergen" - dep aıdy aspannan biraq shyǵarypsyń. "Adamdarǵa kedergi keltirip namaz oqyǵan adamdy quımyshaǵyn syndyratyndaı etip tebýge bolady" - degen haıýanı áreketti qaı ǵulama quptapty? Búkil ıslam álemi ǵulamalaryn bylaı qoıyp, bir ǵalymnyń atyn atashy! Aıta almaısyń. О́ıtkeni bul qyp-qyzyl ótirik. Endeshe dinniń atyn jamylyp ótirik aıtý, dindi saıasatqa qoljaýlyq etý — aýyr kúná!
Dinimizdi súıkimsiz etip kórsetýge, halyqty dinnen bezdirýge seniń qandaı haqyń bar?! Sasyq saıasatyń men jıirkenishti jaǵympazdyǵyńa dindi aralastyrmashy! О́tinish!
Qaırat Joldybaıulynyń paraqshasynan alynǵan
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir