"Ýaqyt az qaldy": Berdibek Saparbaev sportshylarǵa ashýly

Premer-Mınıstrdiń orynbasary Berdibek Saparbaev kúres, boks, aýyr atletıka boıynsha ulttyq quramalardyń jaqynda ótken álem chempıonatyndaǵy nátıjelerine arnalǵan jınalys ótkizdi dep jazady Qamshy.kz aqparat agenttigi. 

Mádenıet jáne sport vıse-mınıstri Eldos Ramazanovtyń aıtýynsha, búginde Qazaqstan qorjynynda 9 sport túrinen 20 lısenzııa bar. Olımpıadaǵa barlyǵy kem degende 100 lısenzııa alý josparlanǵan.

«Nátıjeler óte nashar, olar boksta komandalyq úshinshi oryndy, aýyr atletıkadan 12-oryndy, kúresten 14-oryndy ıelendi. Boksshylar arasyndaǵy jalǵyz altyn medal bar. Mınıstrliktiń, Ulttyq olımpıadalyq komıtettiń, federasııalardyń jáne demeýshiler óz deńgeıinde qoldaý bildirip jatyr. Biraq nátıje qaıda? Sport - bul búkil eldiń ımıdji. Tokıo Olımpıadasynda laıyqty nátıjeler kórsetý úshin qatelermen jumys jasańyz. Ýaqyt az qaldy" , - dedi Berdibek Saparbaev.