• USD 389.52
  • EUR 429.21
  • RUB 6.07
  • CNY 54.94
16 Qazan, 01:39:41
Saılaý qarsańynda "joǵalyp ketken" akter Shrı-Lankadan sálem joldady (vıdeo)

02 Qazan, 2019 Ult bolmysy

"Tomırısti" Reseıge aparyp kórsetińiz, Sataev myrza!

Úsh mıllıardqa jýyq qarjy jumsalǵan "Oskar" júldesine usynýǵa nıetti Sataevtyń tarıhı fılmin ana tilimizde qaı kúni kóremiz?

27 qyrkúıekte "Qazaqfılm" kınostýdııasy tapsyrysymen túsirilgen rejısser Aqan Sataevtyń «Tomırıs» fılmi kórermenge jol tartty. Tarıhı týyndy úsh aıdan astam ýaqytta túsirilip, jobany shyǵarý kezeńi eki jarym jylǵa sozylǵan. Naqtylaı derekke súıensek, kartınany túsirý jumystary 2017 jyly jeltoqsan aıynda Almaty oblysy Zarechnyı aýylynyń mańynda bastalǵan.

Mádenıet jáne sport vıse-mınıstri Nurǵısa Dáýeshev fılmdi túsirýge  2 mlrd 259 mln teńge jumsalǵanyn aıtyp ótti.

Týyndyǵa Dımash Ahımov, Erik Joljaqsynov, Baıkenje Belbaev, Berik Aıtjanov, Erkebulan Daıyrov, Murat Bısembın, Azamat Satybaldy, Ádil Ahmetov, Aıjan Laıdjı, Aıan О́tepbergen, Asylhan Tólepov, Ashat Úrpekovter túsken. Al Kırdiń róline Gollıvýd akteri Gasan Masýd shaqyrylǵan.

Kópten saǵyna kútken týyndy kóńilimizdi kúpti etti. Qazan bastalsa da, qyrkúıekte kórshiniń tilinde tusaýy kesilgen fılmdi memlekettik tilde kórý baqytyna ıe bola almadyq. 

Qamshy.kz aqparat agenttiginiń tilshisi kınoteatrlardaǵy "Tomırıstiń" qazaqsha seanstaryna zertteý jasady. 

Alyp Almatynyń kınoteatrynda 1 qazanda 200-den asa seanstyń altaýy ǵana tól tilimizde kórsetilse, 2 qazan kúngi keste boıynsha 261 seanstyń segizi ǵana qazaq tilinde kórsetilmek. Al kórsetilim ýaqyttary múldem kórýge qolaısyz. Mysaly, «Kinopark 11 (Esentaı) IMAX» kınoteatrynda saǵat 13:10-da, "Kinoplexx Sary Arka»-da saǵat 13:30-da dep kórsetilse, eń sońǵy seans 19:20-da dep jazylǵan. Kepteliske shyrmalǵan halyq úıine jete almaı áýre-sarsań bop júrgen sátte fılmdi kóre almasy anyq. Eń soraqysy, qazaqsha seanstardyń bıletterin onlaın satyp alý tetigi jumys jasamaı tur.

Jýrnalıst Qarashash Esenbaıdyń feısbýk paraqshasyndaǵy jazbasy Tomırıstiń qazaqsha kórsetiletin seansynyń ózi kózden bulbuldaı ushqanynyń  dáleli bolmaq.

Úsh mıllıardqa jýyq qarjy jumsalǵan "Oskar" júldesine usynýǵa nıetti Sataevtyń tarıhı fılmin ana tilimizde qaı kúni kóremiz?  

Qazaq tarıhyna qatysty fılmniń qazaqqa qazaq tilinde kórsetilmeýi – til men ultqa jasalǵan qııanat.  El bolamyn deseń, ekranyńdy túze!

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir