30 Qyrkúıek, 2019 Mańǵystaý oblysy
BUU Damý baǵdarlamasynyń qarjylyq qoldaýymen júzege asyrylǵan "Qazaqstandaǵy sybaılas jemqorlyqtyń jaı-kúıiniń monıtorıngi" zertteýi aıasynda Transparency Kazakhstan sarapshylary qala, oblys jáne aýdan ortalyqtary deńgeıinde 9 000 respondentke saýal qoıdy jáne "Ashyq dıalog" portalyna kelip túsken 568 ótinishti zerdeledi.
Osylaısha, respondentterdiń jartysynan astamy, atap aıtqanda 54,4%-y sońǵy jyldary sybaılas jemqorlyq deńgeıiniń tómendegenin atap ótti. Sonymen qatar, suralǵandardyń árbir onynshysy ǵana máseleni para arqyly sheshý qajettigine tap bolǵan.
Azamattardyń pikirinshe, máselelerdi kóbinese Jambyl, Atyraý, Almaty, Mańǵystaý, Qaraǵandy, Qyzylorda oblystary men Almaty qalasynda bıresmı jolmen sheshýge týra keledi.
Áskerı komıssarıattar, memlekettik balabaqshalar, azamattyq hal aktilerin tirkeý bólimderi (AHAJ), keden jemqorlyq jaılaǵan memlekettik organdar retinde belgilengen.
Azamattar para berýge májbúrlegen 70-ten astam sebepti aıtty. Eń kóp taralǵany - jaqsy mamanda emdelý, jumysqa ornalasý, jer telimin resimdeý, balany balabaqshaǵa ornalastyrý jáne jol júrý erejelerin buzý.
Kásipkerlerdiń pikirinshe, Almaty, Nur-Sultan, Shymkent, Almaty, Mańǵystaý, Qaraǵandy, Atyraý, Qyzylorda oblystary jemqorlyq jaılaǵan óńirler bolyp tabylady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir