Qazaqstan-Reseı áskerıleriniń birlesken oqý-jattyǵý jıyny ótkizildi

«Aısha bıbi», «Teris-Ashybulaq» áskerı polıgondarynda Qazaqstan-Reseı oqý-jattyǵý jıyny uıymdastyryldy. Sharaǵa qos eldiń taý jaǵdaıynda urys-qımyldaryn júrgizýge beıim áskerı quramalary qatysty. Bir qyzyǵy bul oqý jattyǵý jıynyna Reseı jaqtan kelgen 150 áskerı qyzmetshi Tyva Respýblıkasynan bastalǵan 3000 shaqyrym joldy jaıaý júrip ótken, dep jazady Qamshy.kz aqparat agenttigi. 

Qazaqstan jaqtan bul oqý jattyǵý jıynyna Qazaqstan Respýblıkasy Qarýly Kúshteriniń jaıaý áskeri, «Ońtústik» óńirlik qolbasshylyǵynyń taýly-qoryqshy áskerı jasaǵynyń jeke quramy, sondaı-aq Ulttyq qaýipsizdik komıtetiniń Shekara qyzmetiniń «Ońtústik» qolbasshylyǵynyń shekarashylary, Jambyl oblystyq tótenshe jaǵdaılar qyzmetiniń jasaqtary qatysyp, ózderiniń qarym-qabiletterin joǵary deńgeıde kórsete bildi. Al Reseı Federasııasynan bul jıynǵa Ortalyq áskerı okrýginiń 41 jalpyáskerı brıgadasynyń 55-taý motoatqyshtar brıgadasynyń jeke quramy qatysqan.

Oqý-jattyǵý jıynynda barlaý áreketterin júrgizý, qarsylasty ańdý, zańsyz qarýlanǵan qurylymdardyń bazasyn buǵattaý jáne joıý, qarýly qaraqshylar basyp alǵan eldi mekenderge shabýyl jasaý kezindegi áskerı quramalardyń daıyndyǵy pysyqtaldy. Ol úshin dál osyndaı oqys jaǵdaıǵa uqsas urys-qımyldary uıymdastyryldy. Onda qarýlanǵan top shekarany kesip etýge árekettendi. Qarýly qaraqshylardyń keıpine «Ońtústik» óńirlik qolbasshylyǵynyń áskerıleri endi.

–О́ńirdegi áskerı-saıası turaqtylyqty nyǵaıtý maqsatynda biz árqashan kez kelgen qaýip pen qaterge daıyn bolýymyz qajet. Qaýipsizdikke tóngen qaterdiń kez kelgen túrine jedel tótep berý maqsatynda osynaý birlesken oqý-jattyǵý jıyndaryn ótkizýdemiz, –dedi «Ońtústik» óńirlik qolbasshylyǵynyń qolbasshysy Qaıdar Qaraqulov.

Jalpy taý jaǵdaıyndaǵy urys qımyldarynyń barlyq algorıtmderi pysyqtalǵan birilesken oqý-jattyǵý jıyny «Aısha bıbi» jáne «Teris-Ashybulaq» áskerı polıgondarynda eki apta boıy ótkizildi. Oǵan 100 áskerı tehnıka jumyldyryldy. Onyń 40 danasyn Reseı áskerıleri alyp kelgen.

Sondaı-aq oqý jattyǵý jıynynyń basty erekshelegi «Ońtústik» óńirlik qolbasshylyǵyna qarasty 91 678 áskerı bólimi jaýyngerleriniń jaýyngerlik daıyndyǵynyń synalýy boldy. О́ıtkeni, bul qurylym elimizdegi atty jasaǵy bar birden-bir áskerı bólim sanalady. Oqý-jattyǵy jıyny kezinde atty áskerıler oq-dárilerler urys-qımyldary júrgizilip jatqan taýdyń tehnıka júrýge qabiletsiz aýmaqtaryna tasymaldady.