• USD 389.52
  • EUR 429.21
  • RUB 6.07
  • CNY 54.94
18 Qazan, 13:07:53
Sarapshylar joldaýdyń júzege asyrylýyn talqylady

21 Qyrkúıek, 2019 Aımaqtar

Temir jol 82 jyldan beri óńir ekonomıkasyna qaltqysyz qyzmet etip keledi

О́tken ǵasyrdyń alǵashqy jyldarynda qazaq dalasynda ındýstrııalandyrýdyń tuńǵysh qadamy temir jol jelileriniń qurylysymen bastalǵany málim. Al Jambyl óńirindegi alǵashqy temir jol jelisi Býrnyı stansııasyna 1917 jyly jetti. Osylaısha toǵyz joldyń torabyndaǵy ólke Jambyl oblysynda temir jol qyzmetiniń tarıhy bastaldy, dep jazady Qamshy.kz aqparat agenttigi. 

Jalpy Qazaqstandaǵy temir jol qyzmetiniń tarıhy 1904 jyldan bastaý alady. Dál osy jyly Orenbýrg-Tashkent temir jol baǵytynyń soltústik bóliginide Orenbýrg Qazaly baǵyty ashyldy. Bul temir jol jelisi sol jyldardyń ózinde jolaýshylar men júk tasymalynyń lokomatıvine aınalyp úlgergen bolatyn. Al 1912 jyly Arys stansııasynan Bishkek stansııasyna deıin Semırechenskıı jol bóliminiń qurylysy bastaldy. 5 jyl ótken soń osy jeli Jambyl oblysynyń aýmaǵyna ótip qazirgi Jýaly temir jol beketine jetti. Dál osy tarıhı oqıǵadan 3 jyl ýaqyt ótken soń ıaǵnı 1920 jyldyń 28 qarashasynda qozǵalys quramy Áýlıe-Ata stansııasyna keldi. 1924 jyly osy stansııada vagondarǵa tehnıkalyq qyzmet kórsetetin deponyń qurylysy júrgizildi. Odan soń Áýlıe-Ata temir jol jelisi arqyly otarba Qyrǵyzstannyń astanasyn Bishkek qalasyna qaraı baǵyt túzdi. 1930 jyly Keńes odaǵynyń ındýstrııalandyrý tarıhynda ǵasyr qurylysyna balanǵan Túrkisibtiń qurylysy aıaqtaldy. Bul alyp qurylystyń bas-qasynda kórnekti memleket jáne qoǵam qaıratkerleri Muhamedjan Tynyshbaev, Turar Rysqulov syndy Alash ardaqtylary da tabyldy.

Qazir Jambyl temir jol beketiniń jyldyq júk tasymalanyń kólemi shamamen 80 mıllıon teńgeni quraıdy. Ári ınfraqurylymdyq jetildirý nátıjesinde óńirden júk poıyzdarynyń júrip ótý ýaqyty eki esege deıin azaıǵan.

Búginde «Jambyl jol bólimshesi» fılıaly qazaqstandyq temir jol jelisindegi shyǵys pen batysty, Azııa men Eýropany baılanystyratyn altyn kópir sanalady. О́ńirde Shý-Otar temir jol telimindegi ekinshi temir joldyń qurylysy esebinen temir jol qyzmetiniń ótkizý qabylettiligin táýligine 68 poıyzǵa deıin kóterýge qol jetkizildi. Sol sekildi Jambyl temir jol beketiniń jolaýshylar tasymal salasyndaǵy róli orasan zor.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir