Qytaıda meshitterdi jara bastady

Qytaı bıligi meshitter men munaralardyń kózin joıa bastady dep habarlaıdy Qamshy.kz aqparat agenttigi lenta.ru saıtyna silteme jasap.

Baspasóz málimetterine qarasaq, Henan, Gansý provınsııasy, Ishki Mońǵolııa aımaǵy men Nınsıa-Hýeı avtonomdy aýdandaryndaǵy meshitterdiń qurylys nysandaryna zalal keltirilgen. "Qytaıdyń kishkentaı Mekkesi" atalyp ketken Lınsı qalasynyń mańynda ornalasqan aýyldaǵy meshit munaralary qulatylǵan. Ol jerde Qytaıdaǵy eń kóp musylman ulty - hýeıler turady. Sonymen qatar, bılik Iýnnan provınsııasyndaǵy úsh meshitti jaýyp tastaǵan. Oǵan qosa, búkil elde arab jazbasyn paıdalanýǵa tyıym salǵan. 

Shilde aıynda Qytaı bıligi musylman-uıǵyrlardyń lagerlerindegi zorlyq-zombylyqty joqqa shyǵarǵan bolatyn. Qatelikti bylaı túsindirgen. "Bilim berý jáne kásibı daıyndyq ortalyǵyn" tutqyndardy ustaıtyn lager dep sýrettegen deıdi QHR-nyń SIM Chjan Hanhýe.