• USD 389.52
  • EUR 429.21
  • RUB 6.07
  • CNY 54.94
16 Qazan, 01:38:03
Saılaý qarsańynda "joǵalyp ketken" akter Shrı-Lankadan sálem joldady (vıdeo)

21 Qyrkúıek, 2019 Aımaqtar

Boryshkerler bosqa júrmeýi tıis

Yqylas Dúkenuly atyndaǵy Taraz qalalyq mádenıet úıinde qala prokýratýrasy men qala ákimdiginiń jumyspen qamtý ortalyǵynyń uıymdastyrýymen boryshkerlerden nápaqa óndirý turǵysynda bos jumys oryndarynyń jármeńkesi ótti,-dep habarlaıdy «Qamshy.kz» aqparat agenttigi. Jármeńkeni ótkizýdiń maqsaty – alıment boıynsha qaryzy bar boryshkerlerdi jumysqa ornalastyrý.

Sharanyń ashylýynda Taraz qalasy ákimi apparatynyń basshysy Barlybaı Meıirmanov sóz alyp, atalmysh jármeńkege jumys berýshi mekemelerdiń basshylaryn tarta otyryp, olardyń tarapynan usynylǵan bos oryndarǵa jumys izdeýshi azamattardyń ornalasýyna yqpal etip, eńbek naryǵyndaǵy jaǵdaımen tanystyrý, óz betinshe jumys izdep tabýǵa kómektesý jáne jumys izdeýge kásibı baǵyt-baǵdar berý kerektigin atap ótti.

Taraz qalasynyń turǵyny Aslan Qarjaýbaev dánekerleý boıynsha jumys izdep kelgen. Balalaryna nápaqa tabý úshin búgingi jármeńkeden úlken úmit kútip keldi. Ol osyndaı is-sharalar jıi ótkizilip tursa degen tilegin jetkizdi.

– Meniń negizgi mamandyǵym dánekerleýshi. Osyǵan deıin jumys istegen joqpyn. Ajyrasqanmyn. Balalarym bar. Jańa jumysqa ornalassam perzentterime tıisti qarjyny tólep turar edim, – deıdi ol.

Jambyl oblysy jeke sot oryndaýshylarynyń óńirlik palatasy basshysynyń orynbasary Maqsat Elýbaevtyń aıtýynsha, oblys boıynsha 12700 alıment tóleýshiniń isi jeke sot oryndaýshylarynyń qolynda. Búginde olardyń 400-ge jýyǵy tabysyn jasyryp, tólemnen qashyp júr. Maqsat Ilııasuly mundaı sharalar oblysta alǵash ret ótkizilip otyrǵanyn, alımentterdi jınaý máselesin jeńildetý maqsatynda mundaı sharalardy ótkizýdiń mańyzy zor ekenin aıtady.

«Eńbek» nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy aıasynda ótken sharaǵa 80 boryshker qatysyp, onyń 45-i jańa jumys oryndaryna shaqyrtý aldy. Jalpy jármeńkege kadr tapshylyǵy bar 9 mekeme qatysyp, 180 jumys ornyn usyndy. Jumys berýshiler bos jumys oryndary týraly tolyq aqparat berip, jumysqa úmitkerlerdiń árqaısysymen áńgimelesý ótkizdi.

Árıne, zańnyń aty-zań. Sondyqtan da jaýapkershilikpen qashpaı, bereshekti ótegen abzal. Al bul turǵyda osyndaı sharalardyń óz paıdasyn tıgizetindigine senim mol.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir