Bereri mol bes baǵyt

Elbasy N.Nazarbaev táýelsizdiktiń alǵashqy jyldarynan-aq «Áýeli ekonomıka, sonan soń saıasat» qaǵıdasyn ustanyp, ınvestısııa tartýǵa, óndiristi órkendetip, ındýstrıaldyq-ınnovasııalyq aımaqtar qurýǵa, aýyl sharýashylyǵyn damytyp, shaǵyn jáne orta kásipkerlikti órkendetýge kóńil bóldi. Memleket basshysy Q.Toqaev ta strategııalyq sabaqtastyqty sátti jalǵastyryp, ekonomıkalyq reformalardyń júıeli júzege asatynyn ańǵartty. Prezıdenttiń «Syndarly qoǵamdyq dıalog- Qazaqstannyń turaqtylyǵy men órkendeýiniń negizi» atty Joldaýynda bıznesti damytýǵa basa nazar aýdarýy osy sózimizdi nyqtaı túskendeı.

Qazirgi tańda Jambyl oblysynda kásipkerlik kókjıegin keńeıtege baǵyttalǵan baıandy bastamalar qolǵa alynýda. Sonyń biregeıi qosalqy sharýashylyqty damytý jaıy. Oblys ákimi Asqar Myrzahmetov usynǵan pılottyq joba búginde Úkimetpen qatar buqara barapynan da qoldaý tabýda. Atalmysh joba aıasynda turǵyndardyń usynystaryn eskere otyryp, halyqtyń turmysyn jaqsartýǵa baǵyttalǵan 5 baǵyt qarastyrylyp otyr.

Atap aıtqanda, birinshi - úı irgesindegi jerlerdi tıimdi paıdalaný; Ekinshi - úı aýlasynda mal jáne qus ónimdiligin arttyrý;

Úshinshi - aýyl syrtyndaǵy paılyq úles jerlerdi utymdy paıdalaný, sol arqyly jem-shóp, jaıylym máselesin sheshý;

Tórtinshisi - qosalqy sharýashylyqtardyń tıimdiligine qol baılaý bolyp otyrǵan máselelerdi kooperatıvter arqyly sheshý;

Besinshi baǵyt - aýyldaǵy shaǵyn jobalardy qarjylandyrý.

Osy 5 baǵyt boıynsha jalpy quny 46,4 mıllıard teńge kóleminde 31 myńnan astam jobany iske asyrý múmkinshiligi anyqtalyp otyr.

Bul sharalarmen qandaı nátıjelerge qol jetkizýge bolady?

Birinshiden, 131 myń otbasy nemese 600 myńnan astam adam aıyna ortasha eseppen 128 myń teńge kóleminde turaqty tabyspen qamtylady. Bul búgingi deńgeıden 4 ese joǵary;

Ekinshiden, 68 myń ózin-ózi jumyspen qamtyǵandar men jumyssyzdar Jeke kásipkerge aınalady;

Úshinshiden, aýyl sharýashylyǵynyń jalpy ónimi 34%-ǵa ulǵaıady.

Tórtinshiden, sút pen etti qaıta óńdeý kásiporyndarynyń júktemesi 30 paıyzǵa artpaq. Jańa óńdeý kásiporyndaryn qurýǵa múmkindik ashylady.

Besinshiden, aýyldaǵy úı irgesindegi jáne paılyq jerlerdiń tıimdiligi artady.