20 Qyrkúıek, 2019 Aımaqtar
Tarazda túzeý mekemesiniń qabyrǵasynan belgisiz túıinshek lyqtyrǵan azamat qolǵa tústi. Oqıǵa Jambyl oblysy boıynsha Qylmystyq-atqarý júıesi departamentine qarasty JD-158/2 mekemesinde bolǵan.
18 qyrkúıek kúni túngi saǵat 22:00 shamasynda №5 jáne №6 beketterdiń arasynda ornalasqan №4 beket mańaıynda mekeme aýmaǵyna negizgi qabyrǵadan laqtyrý arqyly syrttan belgisiz zat túskeni habarlanǵan. Oqıǵa ornyna tekserýshiler áskerı narıady dereý jóneltilip, olar atalǵan aýmaqtan japsyrma lentamen (skotch) oralǵan túıinshek tapqan.
Osy ýaqytta mekemeniń syrtqy jaǵynda, atalǵan aýmaqqa jaqyn ornalasqan gıps zaýytynyń mańaıynda eýropalyq násildi, 20 men 25 jas aralyǵyndaǵy boıy 172-175 santımetr shamasyndaǵy belgisiz azamat qolǵa túsken. О́zin Iza dep tanystyrǵan ol joǵaryda atalǵan túıinshekti óziniń dosy úshin laqtyrǵanyn aıtqan. Alaıda, onyń aty-jónin aıtýdan úzildi-kesildi bas tartqan.
Júrgizilgen №374 saraptama nátıjesiniń qorytyndysyna sáıkes túıinshektiń ishinde salmaǵy 92,5 gramm bolatyn «keptirilgen marıhýana» esirtki zaty bar ekeni anyqtalyp otyr.
Atalǵan fakt sotqa deıingi tergep-tekserýdiń biryńǵaı tizilimine tirkelgen. Sondaı-aq, oryn alǵan jaıt týraly Jambyl oblysy boıynsha Qylmystyq-atqarý júıesi departamentine, oblystyq prokýratýra men Ulttyq qaýipsizdik komıteti departamentine habarlanǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir