• USD 389.52
  • EUR 429.21
  • RUB 6.07
  • CNY 54.94
23 Qazan, 09:36:38
Nazarbaev: "Nur Otan" halyqty mazalaıtyn máselelerge aralaspaıdy

19 Qyrkúıek, 2019 NEWS

Almatyda Búkilálemdik QS World Wide konferensııasy ótýde

Ál-Farabı atyndaǵy QazUÝ-de «Adamı mura jáne joǵary tehnologııalar úılesimi negizinde jetilý» atty Halyqaralyq QS World Wide bilim forýmy ótýde, dep habarlaıdy qalalyq ákimdiktiń baspasóz qyzmeti.

Halyqaralyq bilim forýmyna QR Premer-Mınıstriniń orynbasary Berdibek Saparbaev, Almaty ákimi Baqytjan Saǵyntaev, halyqaralyq uıymdardyń, BUU, IýNESKO-nyń ókilderi, álemge tanymal ǵalymdar, akademııalyq orta kóshbasshylary, álemniń barlyq kontınentterindegi 40 eldiń joǵary bilim salasynyń sarapshylary qatysyp, joǵary oqý oryndarynyń tanymaldyǵyn arttyrý, jahandyq adamı kapıtaldy qalyptastyrýda olardyń róli máselelerin talqylaıtyn bolady.

Forým jumysyn ashqan Berdibek Saparbaev Úkimet basshysy Asqar Mamınniń atynan onyń quttyqtaý sózin oqyp berdi.

Hatta «BUU-nyń «Akademııalyq yqpal» baǵdarlamasyn turaqty damytý jónindegi Jahandyq Hab bolyp tabylatyn ál-Farabı atyndaǵy Qazaq Ulttyq Ýnıversıtetiniń qabyrǵasynda búgingi sammıttiń ótip jatqandyǵy tereń sımvolıkalyq mańyzǵa ıe. Búgingi kúni elimiz bilim men ǵylymnyń básekege qabilettiligin arttyrý mindetin sheshý ústinde. Ýnıversıtetterge akademııalyq derbestik berilgen. Bul sharalardyń barlyǵy ýnıversıtetterdiń ǵylym-bilim, tehnologııalyq, jáne gýmanıtarlyq keńistikterdiń evolıýsııalyq prosessterine yqpal etýin kúsheıtýge baǵyttalǵan» delingen.

Ýnıversıtetterdiń jahandyq sammıti aıasynda joǵary deńgeıdegi birqatar mańyzdy sharalar ótedi, olar: QS World Wide búkilálemdik konferensııa jáne kórme; Álemniń 130-dan astam joǵary oqý oryndaryn biriktiretin Jibek joly (SUN) ýnıversıtetteri Alıansy Bas Assambleıasynyń, túrli kontınentterdiń jetekshi oqý oryndary engen áleýmettik-jaýapkershilik mánge (USRN) ýnıversıtetterdiń Work Shop dúnıejúzilik júıesiniń keńesteri.

«Halyqaralyq QS WorldWide bilim forýmynyń alǵash ret Orta Azııada, onyń ishinde bizdiń kún sáýleli qalamyzda ótýiniń sımvolıkalyq máni bar. О́ıtkeni dál osy qalada elimizdiń joǵary mektebi quryldy jáne oıdaǵydaı damý ústinde. Elimizdiń árbir úshinshi stýdenti Almatyda bilim alýda. Qazaqstandyq joǵary oqý oryndary osydan 15 jyl buryn QS World University Rankings-te ózderin kórsete bildi. Ol kezde Qazaqstan atynan bir ǵana ýnıversıtet qatysqan edi. Sodan keıingi jyldary biz ýaqytty tekke ótkizbedik, qysqa kezeń ishinde bizdiń ýnıversıtetter alǵa sýyrylyp shyqty. 2019 jyldyń ózinde bizdiń 10 joǵarǵy oqý oryndarymyz reıtıngke endi, olardyń 6-y Almatyda jumys jasaıdy», – dedi konferensııanyń resmı bóliminde Almaty ákimi B. Saǵyntaev.

Ol óziniń sózinde forýmnyń Qazaqstannyń joǵary oqý oryndarynyń álemniń jetekshi ýnıversıtetterimen tikeleı baılanys ornatýyn talqylaýǵa, Qazaqstannyń joǵary oqý oryndarynyń tanymaldyǵy men básekege qabilettiligin arttyrýǵa yqpal etetinin aıtty.

Aıta keterligi, dál osy kúni ál-Farabı atyndaǵy QazUÝ-niń qabyrǵasynda «Turaqty damýdy júzege asyrýdaǵy jastardyń róli-2030» atty jahandyq kongress ótýde, ony uıymdastyrýshy QR Tuńǵysh Prezıdenti – Elbasynyń Qory, QazUÝ jáne G-Global halyqaralyq Hatshylyǵy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir