Almatylyqtar «Bıýdjetke qatysý» pılotty jobasyna belsendi qatysty

Búgin Almaty qalasy ákimdiginiń baspasóz ortalyǵynda «Bıýdjetke qatysý» pılotty jobanyń aralyq qorytyndysy shyǵaryldy, dep jazady almaty.gov.kz saıty.

«Almaty qalasynyń damý ortalyǵy» AQ basqarmasy tóraǵasynyń orynbasary Oleg Sektiń aqparaty boıynsha, «Bıýdjetke qatysý» jobasyna 19 tamyz ben 18 qyrkúıek aralyǵynda Almaty aýdandarynyń aýmaqtaryn jaqsartý boıynsha jalpy quny 9,2 mlrd. teńge bolatyn 180 ótinish túsken.

Jobaly usynystardy qabyldaý 30 qyrkúıekke deıin jalǵasady. 2019-2020 jyldarǵa arnalǵan «Almaty qalasynyń bıýdjetke qatysýy» pılotty jobasyn ázirleý kezinde Almaty qalasy Qoǵamdyq keńesiniń ótinishterdi qabyldaý merzimin (jobaly usynystardy) 15 qyrkúıekten 30 qyrkúıekke uzartý, «áleýmettik máni bar jobalardy» engizý jáne daýys berýdi qaǵaz arqyly da júrgizý jónindegi usynystary eskerildi.

Búgingi kúni jobaly usynystar sany boıynsha Almaly (56), Medeý (37) jáne Bostandyq (34) aýdandary kósh bastaýda.

«Sport, balalar alańdaryn aýla ishinde jáne kópshilik paıdalanatyn oryndarda jasaý jáne jóndeý» kategorııasy boıynsha almatylyqtar tarapynan 47 ótinish tústi.

Qalalyqtar myna máseleler boıynsha usynystaryn aıtty, olar: Kókjıek yqsham aýdany janynan skver salý, Ál-Farabı dańǵylynyń boıyna dybys jutatyn qorshaý ornatý, qala kóshelerine qoqysty bólip salatyn ýrnalar qoıý, oıyn alańdaryn qurý, dástúrli ári ulttyq zııatkerlik Togyzkumalak oıynynyń alańyn jasaý jáne ony úıretý, metro men saýda oryndarynda alıýmınıı jáne plastıkalyq bótelkelerdi qabyldaıtyn fandomattar ornatý, zaǵıptar men nashar kóretinder úshin transponderlerdi qoldana otyryp, daýys shyǵaratyn júıelerdi engizý jáne kóptegen basqalary. Jobaǵa qatysty aqparatty budget.open-almaty.kz saıtynan alýǵa bolady.

Almaty qalasy Qoǵamdyq keńesiniń múshesi Beknur Qısyqov barlyq qala turǵyndaryn atalǵan jobaǵa belsendi túrde qatysýǵa shaqyrdy. «Jobaǵa áleýmettik máni bar usynystardy: tegin aýla klýbtaryn, balalar men úlkender úshin úıirmelerdi, qalaǵa qosylǵan shet aýdandardan balalardy mektepke tasýdy, nashar kóretinder úshin kitaphana uıymdastyrýdy, joldar men aýlalardy jóndeýdi, shamdar men baǵdarshamdar ornatýdy «Bıýdjetke qatysý» jobasyna engizbese de bolady. О́ıtkeni, bul kategorııalar aýdandar ákimdikteriniń jyl saıyn atqarýǵa tıis jumystary», – dedi ol.

1-18 qazan aralyǵynda túsken jobalyq usynystardy barlyq aýdandarda uıymdastyrylǵan sarapshylar komıssııalary qaraıtyn bolady. Daýys berý 19-29 qazan aralyǵynda júredi. Jobany iske asyrý úshin Almaty turǵyndarynan 10-nan astam daýys jınalýy tıis. Qalanyń bir turǵyny úsh jobaly usynysqa daýys bere alady.

«Daýys berý aıaqtalǵan soń aýdandyq ákimdikter men Almaty qalasy ákimdiginiń qurylymdyq bólimsheleri jobaly usynystardy qolǵa alady jáne qalanyń Strategııa jáne bıýdjet basqarmasyna bıýdjettik ótinish túsiredi, al biz óz kezegimizde bul jobalardy keler jyly júzege asyrý úshin qarjy bólemiz», – dep atap ótti Almaty qalasy Strategııa jáne bıýdjet basqarmasy basshysynyń orynbasary Janar Jazyltaeva.

Buryn habarlanǵanyndaı, jobaly usynystar budget.open-almaty.kz portaly arqyly qabyldanady. Ol úshin ótinish qaǵazy (jobaly usynystyń ataýy, sıpaty jáne nysannyń mekenjaıy kórsetilýi tıis) toltyrylady, eskız ben jobaly usynys smetasyn mindetti túrde birge tirkeý qajet. Bir jobanyń jalpy quny 100 mln teńgeden artpaýy tıis.