18 Qyrkúıek, 2019 NEWS О́zgertý

Jırınovskıı Reseı quramynda bolýy tıis eki eldi atady

Reseı memlekettik dýmasynyń depýtaty Vladımır Jırınovskıı Belarýs pen Ýkraına Reseı qaramaǵyna ótip, birtutas memleket jasaýy kerek degen pikir aıtty, dep habarlaıdy Qamshy.kz aqparat agenttigi "RIA Novostı"-ge silteme jasap.

– Reseı men Belarýsti biriktiretin kez baıaǵyda kelgen. Aldymen keden men tarıfterden bastaıyq. Biz bir el bolsaq, Belarýs gúldenip shyǵa keler edi. Adamdardyń erkin júrip-turýyna múmkindik bereıik, eýrodan da myqty bolatyn birińǵaı rýbldi engizeıik. Bul Ýkraınaǵa da qatysty. Tarıhqa úńilsek Reseı Uly Reseı jáne Kishi Reseıden turǵanyn kóremiz. Ekeýiniń túbirinde de Rýs jatyr. Tarıhy turǵyda biz burynnan birge turdyq. Tek sony qaıta qalpyna keltirýimiz qajet, – deıdi depýtat.

Mundaı elde ulttardyń tili saqtalýy tıis, tek qarym-qatynasta ortaq tildi qoldanylý kerek.

– Adamdardyń bostandyǵy shektelmeýi tıis. Belorýs tilinde sóılegisi keletinderge de, ýkraınsha sóılegisi keletinderge de shekteý qoıylmaıdy. Qajet dese, ulttyq gazetteri, teatrlary men mektepteri de saqtalynsyn. Biraq ortaq br tilde sóılesken yńǵaıly bolar edi. Keńes úkimeti ýaqytynda ózge ulttar ózara oryssha sóılesetin. Máselen, Abhazııada jıi bolatynmyn. Ondaǵy grýzınder, abhazdar, orystar, estondyqtar men armıandar oryssha qarym-qatynas jasaıtyn. Endi bes tildi úırenip júrmeıdi ǵoı, – dedi Jırınovskıı.

Sondaı-aq depýtat ondaı elde pasportqa ultty kórsetý mindetti emes, tek "azamat" dep atasa jetkilikti ekenin aıtty.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir