• USD 389.52
  • EUR 429.21
  • RUB 6.07
  • CNY 54.94
15 Qazan, 10:26:52
Ermekbaev: Jumys qaýipti, ómirleri úshin qaýip-qater bar

14 Qyrkúıek, 2019 Aımaqtar

Tarazdyq kıno mektebiniń tolaıym tabysy

Elbasynyń «Uly Dalanyń jeti qyry» atty maqalasynda urpaq sanasynda tarıhqa, tarıhı tulǵalarǵa oń kózqaras qalyptastyrý maqsatynda kıno ónerin damyta otyryp, qazaq kıno ónerinde elimizdiń tarıhynan syr shertetin derekti-qoıylymdyq fılmderdiń, televızııalyq serıaldar men tolyqmetrajdy kórkem kartınalardyń arnaıy sıklin óndiriske engizý jaıy aıtylady. Osy maqsatta Taraz qalasynda jas kınogerlerdiń basyn bir arnaǵa toǵystyrǵan «Taraz Film Scholl» dep atalatyn kıno mektebi jumys jasaıdy, dep jazady Qamshy.kz aqparat agenttigi. 

Jaqynda ǵana atalǵan jas rejısser Dáýren Qamshybaev jetekshilik etetin mektepten tálim alǵan jas kınogerler túsirilgen «Qaısar», «No limites» atalatyn fılmder jaryqqa shyqty. Bul fılmderdiń basty keıipkerleri múmkindigi shekteýli bolǵanyna qaramastan maqsatyna jetý jolynda moıymaǵan jandar. Ári fılm avtorlary munda gollıvýdtyq kınokartınalarda qoldanylatyn tásildi ońtaıly qoldana bilgen. Atalǵan fılmderdi kórermender «Taraz Film Scholl» kıno mektebiniń «Iýtýb» jelisindegi kanalynan tamashalaı alady. «Qaısar» kınosy arqyly óńirge tanymal bolǵan jas akter Madııar Qurmanbaev Taraz kıno mektebiniń múmkindigi mol ekenin alǵa tartady. Ol «Taraz Film Scholl» kıno mektebinen arnaıy kastıngten ótip kelgen. Úsh aıǵa sozylǵan akterlik sheberlikti jetildirý kýrstary da Madııardyń talantyn shyńdaı túsken. Sonyń nátıjesi bolsa kerek «Qaısar» fılmin túsirýge jumyldyrylǵan shyǵarmashylyq top óz jumystaryn nebári 5 kúnde aıaqtaý múmkindigine ıe bolǵan.

Kıno mektebindegi talapty jastardyń jigerin janý maqsatynda túsirilim jumystaryna otandyq kıno álemine tanylǵan jas belgili akter Eljan Rahımbekov te qatysqan. О́ziniń AQSh-taǵy ómiri arqaý bolǵan «El Frıman» týyndysymen tanylǵan talantty jastyń óneri «Taraz Film Scholl» kıno mektebi shákirtine ónege bolary anyq.

Aıta ketý kerek tarazdyq kınogerlerdiń týyndysynda basty róldi oınaǵan barlyq ónerli órenderge qoldaý bildirý maqsatynda Taraz memlekettik pedagogıkalyq ýnıversıtetiniń rektory Erjan Ámirbekuly olarǵa 100 paıyzdyq grant tabystady.

Qazirgi tańda tájirıbesi tolysyp, tehnologııa jabdyqtalýy jaǵynan joǵary deńgeıge qol jetkizgen jas kınogerler mektebi birneshe aýqymdy jobalardy qolǵa alǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir