• USD 389.52
  • EUR 429.21
  • RUB 6.07
  • CNY 54.94
21 Qazan, 01:44:53
Nazarbaev: "Nur Otan" halyqty mazalaıtyn máselelerge aralaspaıdy

14 Qyrkúıek, 2019 Aımaqtar

Jambyldyqtar jaıyndaǵy 82 jyldyq málimet elektrondyq formatqa kóshirildi

Jambyl oblysynyń azamattyq hal aktilerdi tirkeý qyzmeti muraǵatynda jambyldyqtardyń 82 jyldyq málimetteri jınaqtalǵan. Olardyń arasynda qazaq tilinde latyn qarpimen toltyrylǵan is-qaǵazdardy keziktirýge bolady, dep jazady Qamshy.kz aqparat agenttigi. 

Elbasy óziniń «Bolashaqqa baǵdar: Rýhanı jańǵyrý», «Uly Dalanyń jeti qyry» atty maqalalarynda qazaq tiline negizdelgen latyn qarpine kóshý, muraǵattyq derekterdi elektrondy formatqa aýystyrý arqyly onyń paıdalanýyn ońtaılandyrýdy kózdeıtin «Arhıv–2025» memlekettik baǵdarlamasy jaıynda aıtqan belgili. Jambyl oblysyndaǵy azamattardyń hal aktilerin tirkeý qyzmetiniń arhıvindegi eski muraǵattyq derekter Elbasy maqalasynda kóterilgen bastamalardyń baıandylyǵyn ańǵarta túsedi. Birinshiden mundaǵy 1941 jylǵa deıin muraǵattyq derekter qazaq tilinde latyn qarpimen jazylǵan. Demek bul Elbasynyń latynnegizdi qazaq álipbıin qoldanysqa engizý bastamasynyń tarıhı alǵysharty sanalady. Ekinshiden arhıvtegi muraǵattyq málimetterdiń barlyǵy 2008 jylǵa deıin qolme jazylyp kelgen. Tek muraǵattyq málimetterdi tizimdeýde biryńǵaı «RP ZAGS» aqparattyq júıesine kóshý bastalǵannan beri jambyldyq muraǵatshylarda sıfrlandyrýdyń ozyq ádisin kádege jarata bastady.

–Qazirgi tańda azamattyq hal aktilerdiń elektrondy muraǵatyn jasaý isi qolǵa alyndy. Qordaǵy barlyq tirkeý kitapshalary sıfrly formatqa kóshirildi. Qyzmetkerler ondaǵy jazbalardy túzetýmen shuǵyldanyp jatyr. Jalpy elektrondy arhıv halyqqa suratylǵan memlekettik qyzmetterdi jedel kórsetip, zańgerlerdi suranystaryn da tez arada qanaǵattandyrýǵa múmkindik beredi. Al oblys turǵyndarynyń talaı jylǵy azamattyq hal aktileri tirkelgen kitapshalar oblystyq ádilet departamentiniń muraǵatynyń qoryna alynyp, qundy tarıhı derek retinde saqtalatyn bolady,– deıdi Jambyl oblystyq ádilet departamentiniń azamattyq hal aktilerdiń tirkelýin qadaǵalaý jáne qamtamasyz etý, apostildeý bólimi basshysy Lázzat Abashova.

Rasynda azamattyq hal aktilerdi tirkeý qyzmeti muraǵatyndaǵy bul qujattar 82 jyl ishindegi oblystyń qoǵamdyq-saıası ómirine tarıhı zertteý júrgizýge nıetti tarıhshylar úshin qundy derekke aınalmaq. Ári olardyń sıfrly formatqa kóshirilýi de Elbasy maqalasynan týyndaǵan mindetterdi júzege asyrýdaǵy óńirdegi san saladaǵy muraǵat isi mamandarynyń belsene kiriskendigin kórsetedi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir