Arystaǵy áskerı qoımada taǵy jarylys boldy

13 qyrkúıekte Túrkistan oblysy Arys qalasynda áskerı qoıma aýmaǵyn tazartý kezinde oq-dári bólshekteri jarylyp, tórt áskerı jaraqattandy, dep jazady Qamshy.kz aqparat agenttigi.  Bul týraly Qazaqstannyń qorǵanys mınıstrligi habarlady.

Mınıstrliktiń málimetinshe, jaraqat alǵandardyń barlyǵy áskerı ushaqpen Almatydaǵy áskerı gospıtalǵa jetkizilgen.

Sondaı-aq mınıstrlik oqıǵa boıynsha áskerı polısııa tekserý júrgizip jatqanyn, turǵyndarǵa keler qaýip joq ekendigin málimdedi. 

"Turǵyndarǵa eshqandaı qaýip tónip turǵan joq, jaǵdaı tolyq baqylaýǵa alynǵan. Eske sala ketsek, qala aýmaǵyn jáne oq-dárini saqtaý nysandaryna jaqyn aýmaqtardy tazartqannan soń, oq-dárilerdiń negizgi bólikteri ásker bólim aýmaǵynda tur, biraq turǵyndarǵa eshqandaı qaýip tónip turǵan joq. Sonymen qatar, áskerı bólimdegi áskerı qyzmetshilerdiń oq-dári bólikterin jınaý jáne joıý jumystaryna belgili bir ýaqyt kerek. Osyǵan baılanysty qorǵanys mınıstrligi resmı málimet taratýshy organdarǵa senip, rastalmaǵan aqparatty taratpaýdy suraıdy", - delingen mınıstrlik taratqan habarlamada.

Osy jyldyń 24 maýsymda Túrkistan oblysy Arys qalasyndaǵy áskerı qoıma jarylyp,saldarynan tórt adam qaza tapty. Sol kezde Arysta tótenshe jaǵdaı jarııalanyp, turǵyndarynyń basym qaladan qashyp ketti. Arysta qalǵan turǵyndar bıliktiń buıryǵymen evakýsııalandy.

Jarylys saldarynan Arystaǵy turǵyn úıler men ǵımarattardyń birazy búlindi. Bılik qyrkúıekte jarylys kezinde búlingen barlyq ǵımarattardaǵy qurylys jumystary aıaqtalǵanyn habarlady.