Sanavar Zakırovanyń úndeýine qatysty Joǵarǵy sot málimdeme jasady

Sanavar Zakırova sońǵy kezderi qoǵam nazaryn ózine aýdaryp, sot júıesine qatysty negizsiz synı pikirler aıtýda.
Onyń azamattyq zaıyby – resıdıvıst Álimjanov 2008 jyly adamdar tobymen aldyn-ala sóz baılasyp, kúsh qoldaný arqyly tonaý, 2010 jyly – toptasyp qorqytyp alý qylmystaryn jasaǵany úshin sottalǵan.
2017 jyly ol asa iri mólsherdegi esirtki zatyn zańsyz satyp alǵany, saqtaǵany jáne tasymaldaǵany úshin bes jylǵa sottalǵan.
Qylmystyq áreket jasaý barysynda ol Zakırovaǵa tıesili «Hyundai Elantra» avtokóliginde bolǵan. Osy rette Álimjanov esirtkiden óte masań kúıde kólik basqaryp, adamdardyń ómiri men densaýlyǵyna qaýip tóndirgen.
Sanavar Zakırova «kólikti sot sheshiminsiz tartyp aldy» degen aqparat taratýda. Bul shyndyqqa sáıkes kelmeıdi.
Álimjanovqa qatysty úkim 2017 jylǵy 29 maýsymda shyqty. Osy sheshimmen Zakırovanyń avtokóligi QR Qylmystyq prosestik kodeksiniń 118-babynyń talaptaryna sáıkes qylmys quraly dep tanylyp, tárkilendi.
Zaıyby qylmystyq maqsatta paıdalanǵan avtokólikti Zakırova qaıtaryp berýdi talap etýde.
Joǵarǵy Sottyń kassasııalyq alqasynyń qaraýynda ne Zakırovadan, ne Álimjanovtan sot aktilerin qaıta qaraý týraly ótinishhat bolǵan joq.
Zakırova Joǵarǵy Sottan eshkim ony qabyldaǵan joq dep málimdedi. Bul da shyndyqqa saı kelmeıdi.
Aǵymdaǵy jyldyń 1 tamyzynda Joǵarǵy Sot hatshylyǵynyń ókili onyń uıaly telefonyna habarlasyp, Joǵarǵy Sot Tóraǵasynyń jeke qabyldaýyna jazylýdy usynǵan. Alaıda Zakırova qabyldaýǵa kelýden bas tartqan.
Zakırovanyń bul áreketteri sotta jeńilis tapqan basqa azamattardy jańylystyrýdy, jeke múddesi úshin olardy zańsyz jarııa aksııalarǵa shaqyrýdy kózdeıtinin aıǵaqtaıdy.