Jýalyda ekotýrızmdi damytý máselesi talqylandy

Jambyl oblysynyń Jýaly aýdanynda ekotýrısterge qyzmet kórsetý, olardyń alańsyz demalysyn uıymdastyrý máselesi talqylandy. Sharany uıymdastyrýǵa «Qazaqstannyń týrıstik Qaýymdastyǵy» muryndyq bolǵan sharada eko jáne agrotýrızmdi damytý tóńiregindegi túıtkilder talqylandy, dep jazady Qamshy.kz aqparat agenttigi. 

Aýdandyq mádenıet úıinde ótken jıynǵa óńirdegi týrısterge qyzmet usynýdy jolǵa qoıǵan 20 kásipker qatysty. Olarǵa Germanııanyń aýyldyq týrızm boıynsha oqytý týrynyń qatysýshysy, «Travelife» eýropalyq turaqty damý týrızm jelisiniń múshesi Ksenııa Shevsova jáne Qazaqstan týrıstik qaýymdastyǵynyń ekotýrızm aqparattyq resýrstyq ortalyǵynyń úılestirýshisi, Ortalyq Azııa óńirlerinde aýyl týrızmin damytý jónindegi EO jobasynyń menedjeri, aýyl týrızminiń ádisnamasy boıynsha jattyqtyrýshy Alına Daýletbakova dáris oqydy. Sondaı-aq dáriskerler kásipkerlerge ekotýrısterdi qabyldaý men qonaqjaılar ashýdyń mańyzdylyǵy jáne qonaq-úı qyzmetiniń tabystylyǵyn arttyrýdy qupııasymen bólisti.

Semınarda, týrısterg joǵary dárejede qyzmet kórsetýdiń zamanaýı úlgileri, tamaqtandyrý jáne as mázirin ázirleý erekshelikteri syndy basty máseleler qamtyldy. О́z kezeginde bul máseleler qonaq úı bıznesin tabysty etýdiń alǵysharty sanalady.

Jıyn barysynda kásipkerlerdi oblys ákimdiginiń týrızm basqarmasynyń basshysy Qarlyǵash Aralbekova Jýaly aýdanynda qolǵa alynǵan «Qaralma taý-shańǵy bazasymen» tanystyrdy. Jylyna 40 myńnan asa týrısti qabyldaýǵa qaýqarly joba óńir týrızimin damytýda balamasy joq bastama sanaldy. Sondyqtan keshen aýmaǵynda týrıster talǵamyna saı sapaly qyzmet kórsetý oryndaryn uıymdastyrý qajettiligi týyndaıdy. Demek bul iske óńir kásipkerleriniń de tartylǵany jón. Sol sebepten de oblys ákimdiginiń týrızm basqarmasynyń basshysy Qarlyǵash Aralbekova jıynǵaqatysqan kásipkerlerdi «Qaralma taý-shańǵy bazasyn» qyzmet kórsetý oryndaryn ashýǵa shaqyrdy.

Jalpy Jýaly aýdanynda ekologııalyq týrızmdi damytýdyń barlyq múmkindikteri bar. Jazǵa deıin basynan basynan qar ketpeıtin asqar taý bókterimen janǵa jaıly klımat búgingi týrızm naryǵynyń negizgi nysany aınalǵaly tur. Tek bul iste týrısterge qyzmet kórsetý salasyn ońtaıly uıymdastyra bilý qajet-aq.