• USD 378.65
  • EUR 430.07
  • RUB 6
  • CNY 55.1
24 Qyrkúıek, 00:39:59
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

04 Qyrkúıek, 2019 Barlyq aımaqtar

Toqaev: «Azııa alyby» halyqaralyq ádebı syılyǵyn taǵaıyndaǵan jón

Azııa qalamgerleri forýmy shyǵarmashyl qaýymnyń mańyzdy dıalog alańyna aınalýy kerek

Búgin Elordada Azııa qalamgerleriniń birinshi forýmy bastaldy. Oǵan qyryqqa jýyq elden qalamgerler qatysýda. Azııa qalamgerleriniń I forýmynda Qazaqstan Respýblıkasynyń Prezıdenti Qasym-Jomart Toqaev sóz sóıledi. Ol óz sózinde Azııa forýmy qalamgerlerdiń ortaq dıalog alańyna aınalý qajettigin aıtty. 

–Azııa ádebıetin odan ári damytý úshin biz mynadaı mańyzdy máselelerge nazar aýdarýymyz qajet.
Aldymen, Azııa qalamgerleri forýmy shyǵarmashyl qaýymnyń mańyzdy dıalog alańyna aınalýy kerek.
Bul mańyzdy shara Azııa elderinde turaqty túrde ótýi qajet dep sanaımyn.
Adamzatty tolǵandyrǵan kúrdeli máseleler dál osyndaı alańdarda ortaǵa salynýy tıis.
Azııany búkilálemdik rýhanı damý ortalyǵy retinde damytý aıryqsha mańyzdy.
Sondyqtan ádebı úderisterdi jańǵyrtý úshin jaǵdaı jasaý – basty mindetterdiń biri.
Osy maqsatta «Azııa alyby» halyqaralyq ádebı syılyǵyn taǵaıyndaǵan jón.
Álemdegi áıgili syılyqtar sekildi bul marapattyń da bedelin arttyrýǵa kúsh salýymyz kerek.
Azııa qalamgerleri týyndylarynyń birtutas elektrondy kitaphanasyn quratyn ýaqyt jetti.
Bul Azııanyń teńdessiz dúnıetanymy jınaqtalǵan baǵa jetpes asyl qazynanyń esigin jer júzine aıqara ashatyn qundy dúnıe bolary sózsiz.
Osyndaı ıgi bastamalardy iske asyrý jumysy qalamgerlerimizdi biriktirip, Azııa ádebıetin jańa beleske shyǵarady dep senemin, –dedi Prezıdent Qasym-Jomart Toqaev forýmynyń ashylý saltanatynda sóılegen sózinde.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir