• USD 378.65
  • EUR 430.07
  • RUB 6
  • CNY 55.1
17 Qyrkúıek, 09:09:22
Qazaqstanda másele sheshilý úshin aldymen adam ólýi kerek

29 Tamyz, 2019 Aımaqtar

Tarazda Konstıtýsııa kúnine arnalǵan saltanatty jıyn ótti

Saltanatty sharada oblystyq ádilet departamenti basshysynyń orynbasary Dáýren Daırabaev baıandama jasady.

Taraz qalasyndaǵy «Balasaǵun» ortalyq konsert zalynda Qazaqstan Respýblıkasynyń Konstıtýsııasy kúnine arnalǵan saltanatty jıyn ótti. Sharada oblys ákimi Asqar Myrzahmetov quttyqtaý sóz sóılep, bir top azAmattardy marapattady. Saltanatty jıynǵa qatysýshylar Kenen Ázirbaev atyndaǵy Jambyl oblystyq fılarmonııasy ujymynyń konserttik baǵdarlamasyn tamashalady, dep jazady Qamshy.kz aqparat agenttigi.

Saltanatty jıyndaǵy sóılegen sózinde oblys ákimi Asqar Myrzahmetov Qazaqstan Respýblıkasynyń Konstıtýsııasy adam ómirin, quqyqtary men bostandyqtaryn, joǵarǵy qundylyqtaryn anyqtaıtyn qundy qujat ekendigin atap ótip, kúlli oblys jurtshylyǵyn mártebesi bıik memlekettik merekesimen quttyqtady. Munan soń óńir basshysy túrli salada jemisti eńbek etip júrgen bir top azamattarǵa tósbelgiler men alǵyshattardy, qurmet gramotasyn tabystady. Qazaqstan Respýblıkasy Memlekettik qyzmet isteri agenttigi tóraǵasynyń buıryǵymen Jambyl oblysy ákimdiginiń ekonomıka jáne josparlaý basqarmasynyń bas mamany Gúlmıra Baıtalıevaǵa «Úzdik memlekettik qyzmetshi» tósbelgisi, Qazaqstan Respýblıkasy Aqparat jáne qoǵamdyq damý mınıstrliginiń «Aqparat salasynyń úzdigi» tósbelgisi, oblys jýrnalıstıkasynyń ardageri Bolat Máýlenovke tabys etildi. Al Sarysý aýdany ákimdiginiń mádenıet jáne tilderdi damytý bóliminiń bas mamany Merýert Qadyrbekova Qazaqstan Respýblıkasy Ortalyq saılaý komıssııasy Tóraǵasynyń dıplomymen marapattaldy.

Sondaı-aq Taraz qalalyq Ádilet basqarmasynyń zańdy tulǵalardy tirkeý bóliminiń bas mamany Aınur Asqarbekqyzy, Merki aýdany Jańatoǵan aýyldyq ogrýgi ákimi apparatynyń bas maman-is júrgizýshisi Gúlnapysh Qalıeva, Sarysý aýdany ákimdigi, Túrkistan aýyldyq okrýginiń ákimi Dúısenáli Borsyqov, 10216-G áskerı bólim komandıriniń tárbıe jáne ıdıologııalyq jumystar jónindegi orynbasary Qaırat Nurtaev oblys ákiminiń qurmet gramotasyna ıe boldy.

Sol sekildi kópjylǵy jemisti eńbegi jáne qyzmettik mindetterin úlgili oryndaǵany úshin Jýaly aýdany Kúreńbel aýyldyq okrýgi ákimi apparatynyń bas mamany Rátbek Kúsenbaev, Talas aýdany ákimdiginiń aýyl sharýashylyǵy bóliminiń bas mamany Jandos Ratov, 102516-K áskerı bólimi qoıma bastyǵy Qydyrhan Myrzataev oblys ákiminiń Alǵys hatymen marapattaldy.

Saltanatty sharada oblystyq ádilet departamenti basshysynyń orynbasary Dáýren Daırabaev baıandama jasady. Munan soń kórermen qaýym Kenen Ázirbaev atyndaǵy Jambyl oblystyq fılarmonııasy óner sheberleriniń merekelik konsertin tamashalady. Bul kúni jambyldyqtarǵa merekelik kóńil kúı syılaýǵa qazaq estradasynyń jaryq juldyzdary Dosymjan Tańatarov pen Saıat Medeýov te atsalysty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir