• USD 378.65
  • EUR 430.07
  • RUB 6
  • CNY 55.1
18 Qyrkúıek, 07:57:13
Aýyl sharýashylyǵy mınıstrliginiń nazaryna! «Jem shóptiń baǵasy kúıip tur, qamshyńa jazshy», – deıdi ákem

25 Tamyz, 2019 Aımaqtar

Jambyl oblysyndaǵy tyń jáne tyńaıǵan jerlerdi ıgerý temirjolǵa da túren saldy

Jambyl oblysynda qarqyndy júrgizilgen tyń jáne tyńaıǵan jerlerdi ıgerý ekonomıkanyń ózge salalarynyń damýyna yqpal jasady. Ásirese alqaptardan jınalǵan daqyldy san tarapqa jóneltý maqsatynda temirjolmen júk tasymalynyń róli nyǵaıyp, shoıyn jolmen júk tasymalynyń kólemi 30 paıyzǵa ósti dep jazady Qamshy.kz aqparat agenttigi. 

Oblystyq arhıv qoryndaǵy málimetterde Jambyl oblysy aýmaǵyndaǵy tyń jáne tyńaıǵan jerlerdi ıgerý jumystary 1954 jyldyń 19- qazanynda Qazaq SSR Mınıstrler Soveti «Jambyl oblysynda jańa astyq sovhozdaryn uıymdastyrý týraly» qaýlysy qabyldanǵannan keıin bastalǵanyn aıǵaqtaıdy. Sol tusta oblystaǵy jańadan qurylǵan keńsharlar esebinen jalpy keńshar sany 6 esege deıin ulǵaıdy. Jańadan ıgerilgen egistik alqaptary mol ónim alynyp, dıqandar 1 mıllıon 163 myń tonna astyq jınady.

Sol kezeńderde tyń keńsharlary memleketke 382 myń tonna astyq, 20 myń tonna sút, 25 myń tonna et, 4600 tonna jún jáne basqa da aýyl sharýashylyǵy ónimderin tapsyrdy. Tek «Dalaqaınar» keńsharynyń ózi 13581 tonna, al «Túrkistan» keńshary 11476 tonna, «Podgornyı» keńshary 29672 tonna, «Aspara» 13776 tonna astyq ótkizdi. О́z kezeginde memleket aldyna osy mol astyqty tasymaldaý máselesi qoıyldy. Sáıkesinshe atalǵan astyqty Keńes odaǵynyń san qıyryna jiberý temirjolmen júk tasymaldaý salasyna tyńnan túren saldy. Sondyqtan da jergilikti bılik 1955 jyly temirjol jelilerinde qalyptasqan túıindi máselelerdi sheshýge bar kúsh jigerin jumsady. Sońǵy 5 jylmen salystyrǵan Moıynty-Shý temir jol jelisiniń paıdalanýǵa berilýi esebinen temirjoldyń Jambyl jáne Saryshaǵan bólimshesinde poıyzdardyń júrýi qyryq paıyzǵa artty. Júk tasymaldaý 30 paıyzǵa jáne júk tıeý 35 paıyzǵa kóbeıdi.

Sondyqtan da, oblys basshylary Keńes odaǵynyń Jol qatynastary mınıstrligine hat joldap, Birlik-Túlkibas stansııalarynyń aralarynda ekinshi temirjol jelisin salýdy surady. Sonymen birge, Jambyl temirjol bólimshesinde 11 myń adam jumys isteıtindigine qaramastan, olardy turǵyn úımen qamtamasyz etý nasharlyǵy da aıtyldy. Sondaı-aq stansııalarǵa mektepter men aýrýhanalar, basqa da turmystyq áleýmettik ǵımarattar salý suraldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir