Tarazda 136 kósheni jóndeýge 1,5 mlrd. teńge bólingen

Taraz qalasyndaǵy jol máseleleri jyl óıken saıyn sheshimin taýyp keledi. Máselen, bıyl «Araı» alqabynyń barlyq kósheleri men burylystaryna ortasha jóndeý jumystaryn júrgizý josparlanǵan. Nátıjesinde, jalpy uzyndyǵy 31,086 shaqyrym jolǵa asfalt jabyndysy tóseledi dep jazady Qamshy.kz aqparat agenttigi. 

Jobanyń jalpy quny 584 mıllıon 522 myń 581 teńgeni quraıdy. Jalpy joba 4 komplekske bólingen.Memlekettik satyp alý konkýrsy ótkizilip, jeńimpaz merdiger mekeme anyqtaldy. Búginge kúnde tehnıkalyq qadaǵalaýshyny anyqtaý konkýrsy Qarjy baqylaý organynda shaǵymdaný satysynda tur. Shaǵymdardy qaraý merzimi aǵymdaǵy jyldyń 24 tamyzynda aıaqtalady. Tehnıkalyq qadaǵalaýshy anyqtalǵannan keıin qurylys-montajdyq jumystar bastalady.

2019 jyly qala bıýdjetinde jol qurylystaryna 2 160 mıllıon teńge qaralǵan. Bul qarajattarǵa «Buryl A,B,V» turǵyn alqaptarynyń 26 shaqyrymdy quraıtyn 50 kóshesine qıyrshyq tas joldarynyń jáne Y. Súleımenov kóshesiniń sońyndaǵy alqapta ishki kvartaldyq avtomobıl joldarynyń qurylys jumystary júrgizilýde.

Jalpy qaladaǵy 136 kósheniń ortasha jóndeý jumystaryna 1 mıllıard 511,1 mıllıon teńge bólingen.

Qoǵamdyq kólikter qatynaıtyn uzyndyǵy 740 shaqyrym quraıtyn 83 kóshede kólemi 22600 sharshy metr shuńqyrlardy qalypqa keltirý úshin 100 mıllıon teńge bólinip, jóndeý jumystary júrgizildi.

Odan bólek qaladaǵy kóp qabatty turǵyn úılerdiń 71 000 sharshy metr quraıtyn aýlalaryn aǵymdaǵy jóndeý jumystaryn júrgizýge 250 mıllıon teńge qarjy bólinip, jumystar júrgizilýde. (26-30 slaıd)

Sonymen qatar, qalada gaz júghrgizý jumystary da júrýde. Taraz qalasyn gazben qamtamasyz etýshi mekeme «QazTransGaz Aımaq» AQ Jambyl óndiristik fılıaly. Qaladaǵy gaz qubyrlarynyń uzyndyǵy 1475 shaqyrym quraıdy, onyń ishinde:

- 1112 shaqyrym jerasty qubyrlar - (joǵarǵy qysymdy - 35 shaqyrym, orta qysymdy - 994 shaqyrym, tómen qysymdy - 83 shaqyrym),

- 363 shaqyrym jerasty qubyrlar - (joǵarǵy qysymdy - 0,045 shaqyrym, orta qysymdy - 24 shaqyrym, tómen qysymdy - 339 shaqyrym).

Aǵymdaǵy jyly «QazTransGaz Aımaq» AQ JО́F ınvestısııalyq baǵdarlamasy boıynsha óz qarajaty esebinen «Taraz qalasynyń gaz taratý júıelerin jańǵyrtý. 2 kezeń» jobasynyń qurylys-montaj jumystary qalanyń ortalyq bóliginde júrgizilýde. Bas merdiger - «DS-TAS» JShS.

Jumys jospary boıynsha aýystyrylatyn polıetılendi gaz qubyrlarynyń uzyndyǵy - 37,4 shaqyrym. Kóshelerdiń jalpy sany - 128.