Jambylda "óńirlerdi damytý" jobasy júıesin tabýda

Memlekettik baǵdarlamalardyń basym baǵyttary búginde elge eleýli demeý jasaýda. Onyń sharapatyn qaladaǵylarmen qatar, daladaǵylar da kórýde. Árıne Úkimettiń jan úrlegen jobalaryn júıelý júzege asyrý barshamyzdyń azamattyq paryzymyz. Osy oraıda Jambyl jerinde memlekettik baǵdarlamalar minsiz maqsatyn tabýda dep jazady Qamshy.kz aqparat agenttigi. 

Máselen «KMF» JShS-i arqyly 2019 jyldyń 1-shi toqsanynda 1028 azamatqa 590,7 mıllıon teńge, «Qordaı» Nesıe seriktestigi» JShS-i arqyly 20 sharýa qojalyqtaryna 182,5 mıllıon teńge nesıe berilgen.

«Bastaý bıznes» kásipkerlik negizinde 135 adam oqytý josparlansa, onyń qazirgi tańda 57 adamy oqytylýda. Al, nátıjeli jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy aıasynda 125 adamǵa nesıe berý kózdelip otyr.

«Dıplommen aýylǵa» baǵdarlamasyna kelsek, Qordaı aýdanynyń aýyldyq eldi mekenderine bilim berý, densaýlyq saqtaý, áleýmettik qamsyzdandyrý jáne mádenıet salasynda turaqty jumys isteýge kelgen mamandarǵa «Dıplommen aýylǵa» jobasy sheńberinde áleýmettik qoldaý sharalary usynylǵan. Atalǵan baǵdarlama aıasynda 2018 jyly 110 mamanǵa josparlanyp, onyń ishinde 44 mamanǵa árqaısyna 70 tómengi eseptik kórsetkish kóleminde 11811,0 myń teńge (bir mamanǵa 176,75 myń teńge) kóterme járdem aqy, 19 mamanǵa 1500 tómengi eseptik kórsetkish kóleminde nesıege turǵyn úı satyp alýǵa 66673,5 myń teńge qarajat berilip otyr. (bir mamanǵa 3787,5 myń teńge). (Bilim salasy boıynsha 12 maman, densaýlyq saqtaý salasy 4 maman, mádenıet salasy 1 maman, aýyl sharýashylyq salasy 2 maman).

Aýyldyq jerlerdi damytýǵa baǵyttalǵan «О́ńirlerdi damytýdyń 2020 jylǵa deıingi» baǵdarlamasy aıasynda bolsa, 19 aýyldyq okrýg boıynsha 21 nysanǵa 126,8 mıllıon teńge qarastyrylǵan. Onyń ishinde jaryqtandyrýǵa 2 joba – 3,5 mıllıon teńge, jaıaý joldardy jáne joldardy aǵymdy jóndeýge 5 joba – 47,0 mıllıon teńge, joldardy ortasha jóndeýge 11 joba – 66,9 mıllıon teńge jáne abattandyrý jumystaryna 2 joba – 9,3 mıllıon teńge bólingen.

Árıne, bul memlekettik baǵdarlamalardyń halyqqa bereri mol ekeni aıan. Jáne jambyldyqtar barynsha jemisin kórýde. El erteńine baǵyttalǵan mundaı bastamalardan áleýmettiń áleýeti artpasa, kemimeıtini anyq.