• USD 378.65
  • EUR 430.07
  • RUB 6
  • CNY 55.1
21 Qyrkúıek, 01:20:36
Kevın Gaston: Bul tabıǵattyń qurdymǵa ketýi degen sóz

21 Tamyz, 2019 Áleýmet

Almaty turǵynynyń ýáji: "Qoqys toly aınalam, Tazalaıtyn qaıda adam?"

Almaty ákimdigine qala tazalyǵy jóninde aıtarym bar

Saıtymyzǵa Almaty qalasynyń Madııar esimdi turǵyny habarlasty. Habarlasyp, qorshaǵan ortaǵa, Almaty qalasynyń tabıǵatyna nemquraıly qaraıtyn ákimdik pen qala turǵyndaryna degen ýájin jetkizdi. Ol ýáj mynandaı.

«Ádette kólikpen nemese avtobýspen júretinmin. Búgin jaıaý serýendegim kelip, Úlken Almaty ózeniniń Rysqulov-Raıymbek qıylysyndaǵy jaıaý júrginshige arnalǵan jolymen júrdim. О́zen boıynda, aǵash saıasynda salqyn, tasa jerde demalyp otyrýǵa arnalǵan sákileri bar jalǵyzaıaq jolmen júrip kele jatyp, mynandaı kóriniske tap boldym. Atalǵan kóshe boıyndaǵy sáki ataýlylar synǵan, taqtaılary múldem joq, otyrý múmkin emes. Qoqys jáshigi aýzy-murnynan shyǵyp jatyr, aınala toly qoqys. Bir taza jer joq. Ár adym attaǵan saıyn qoqys joq bir jerdi kórmedim. Tipti jol jıegine ornatylǵan temir qorshaýlardyń keıbir jeri múldem túbimen qoparylǵan. Jazataıym oqıǵa bolyp, bireý-mireý ózenge qulap ketse, kim jaýap beredi?

Elim, jerim úshin jany ashıtyn azamat retinde aıtarym: turyp jatqan qalamyzdyń tazalyǵy Siz ben meniń qolymyzda. Men kórgen jaıt tıisti orynǵa jetip, jeter qulaqqa jetkiziledi, sákileri jóndelip, qoqystary tazalanady, tynyǵyp otyrýǵa laıyqty burynǵy qalpyna qaıta keltiriledi degen úmittemin» dep tilegin jetkizgen Madııar dálel retinde qalta telefonyna túsirgen sýretterin de joldapty.

Úlken ALMATy

úlken Almaty

Rysqulov úlken almaty

úlken Almaty

Úlken Almaty

Árbir qazaqtyń aryz-shaǵym, muń-syryn jetkizý – bizdiń mindet. Bul atalǵan jerge Almaty qalasynyń «Almaty tazalyq» memlekettik kommýnaldyq kásiporny nemese osy aımaq kiretin aýdan ákimdiginiń tazalyq bólim jaýapty shyǵar? Endeshe, osy atalǵan kósheler tıisti aýdan ákimdigi bul tilekke beı-jaı qaramaı, dereý arada tıisti shara qoldanady degen úmittemiz.

Madııardyń Qazaqstannyń árbir turǵynyna aıtary: "Halaıyq, júrgen jerimizde tazalyq saqtap júreıik. Meıli ol úıdiń ishi, syrty, kóshe, basqa qala, el, jer, taý-tas bolsyn. Ár adam óz qoqysyn ózi tazalap júrse eken. Bul elde, jerde, qalada, aýylda siz de, men de ómir súrip jatyrmyz. Erteń urpaqtarymyz da osynda ómir súretin bolatyn. Endeshe, barymyzdy saqtaı bileıik. Bárin ózimizden bastaıyq."

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir