• USD 378.65
  • EUR 430.07
  • RUB 6
  • CNY 55.1
19 Qyrkúıek, 02:59:00
Shashyrap júrgen qazaqty búgin kóshirip almasaq, erteń joǵaltyp alýymyz múmkin

19 Tamyz, 2019 NEWS

Tekeli qalasynyń ákimi keshirim surady (vıdeo)

Tekeli qalasynyń ákimi turǵyndardan keshirim surady. Baqtııar О́nerbaev tutastaı bir monoqalanyń aýyzsý máselesin sheshe almaı jatqanyn moıyndap otyr dep habarlaıdy Qamshy.kz aqparat agenttigi Eýrazııa arnasyna silteme jasap.

О́ıtkeni, turǵyndar tirshilik nárin bastaýdan tasýǵa májbúr. Al, ortalyqtandyrylǵan aýyzsý ishýge jaramaıtyn kórinedi. Kún ysysa, laılanyp ketedi eken. Tekeli qalasy turǵyndaryn jaz boıy ábigerge salatyn bul másele qashan sheshilmek? Bul týraly Eýrazııa birinshi arnasy habarlaıdy. 

"Men halyqtan keshirim suraımyn. Ákim retinde osy máseleni sheshpegenime. Biraq, bul baǵytta jumys istep jatyrmyz. Oblys ákimi de biledi, oblystyq ýpravlenıedegiler de biledi", - dedi Tekeli qalasynyń ákimi Baqtııar О́nerbaev. 

Bildeı bir ákimdi keshirim suraýǵa májbúrlegen áleýmettik jelidegi  beınejazba. Turǵyndardyń aıtýynsha, krannan aqqan aýyz sý múlde ishýge jaramsyz. Ony ishý bylaı tursyn, jańbyrly kúni kıim jýa almaımyz. Qazir tek, dárethanaǵa paıdalanǵanymyz úshin aqsha tólep otyrmyz, - deıdi.

"47 teńge ǵoı dım 1 kýbyna tóleımiz. Egerde 3-4 kýb bolsa, júz bálmebaı teńge tóleımiz. Ishý múmkin emes. Topyraq tatıdy. Al, mende nemereler keledi. Balalarǵa berý opasno mynandaı sýdy berýge", - dedi Tekeli qalasynyń turǵyny Dánııa Ahmetqyzy.

Kúndelikti tutynatyn aýyz sýdy turǵyndardyń biri satyp alsa, al, biri ıt-qus kelip, shól basatyn bastaýdan tasyp ishedi. Aınalasy da sanıtarlyq talapqa saı emes. 

"Altydan keıin kelip, osynda kezekke turamyz. 1 saǵattaı kezekte turyp, áreń sý alyp ketemiz. Qolymyzdy tastaı sýǵa salyp, neshe túrli ydystardy salyp sý alamyz", - dedi qala turǵyny Berdaq Býrıev. 

Eń soraqysy shahardaǵy №1-shi balabaqsha ujymy da laı sýdy paıdalanyp otyr eken. Alaıda, mundaǵylar ony múlde tutynbaımyz dep aqtaldy. Sózderine sensek, ystyq sýdy qaıta qaınatyp ishedi eken. 

"Bizde ystyq sý basqa jaqtan keledi. Sony sýytyp qoıyp, qaınatyp beremiz. Jaman sýdy paıdalanbaımyz", - dedi balabaqsha medbıkesi Názıpa Sultanqyzy. 

Alaıda, eli mekendi aýyz sýmen qamtyp otyrǵan "Tekeli sý qubyry" mekemesiniń basshysy bul tirshilik nárin jaramdy dep sanaıdy. 

"Ishýge jaraıdy ol. Nege deseńiz, biz kún saıyn ózimizdiń loborotorııadan sýdyń quramyn, tazalyǵyn, bárin tekserip otyramyz. Aıyna bir ret ózimizdiń SES-ke esep beremiz", - dedi "Tekeli sý qubyry" MM dırektory Baqyt Sálıev. 

Laı sýdy paıdalanyp otyrǵan turǵyndar máseleniń sheshilýin talap etýde.

Al, jaýaptylardyń sózine sensek, taza tirshilik nárin áli bir-eki jyl kútýlerine týra keledi. О́ıtkeni, qazir jobalyq-smetalyq qujattary daıyndalyp jatyr eken.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir