15 Tamyz, 2019 Almaty
Almatyda bir top adam ashtyq jarııalady
15 tamyz kúni Almatydaǵy «Facility management group» JShS ǵımaratynyń aldynda birneshe turǵyn, ashtyq jarııalady. Arasynda arbaǵa tańylǵan múmkindigi shekteýli eki jan bar – dep habarlaıdy Qamshy.kz aqparat agenttigi.
Jınalǵandardyń mundaı qadamǵa barýyna úlken qalalardaǵy jıi kezdesetin qordalanǵan másele – páter ıeleri kooperatıvi aınalasyndaǵy daý sebep bolǵan. PIK-ke ıelik etetin kompanııa Alǵabas, Aqkent, Kókjıek yqshamaýdanyndaǵy kópqabatty úılerge qyzmet kórsetpeıdi eken. Aıtalyq qoqysyn tazalap, búlingen baspaldaqtaryn, shatyryn, jertólelerin jóndemeıdi.
"Jylý júıesindegi jylý aıdaıtyn nasos buzylǵan, endi ony jasamasa biz qysta úsip ólemiz ǵoı. Qujattarymyzdy qaıtarsyn! Biz ózimiz aqsha jınap, sol jylýdyń nasosyn jasap alamyz" – deıdi jınalǵandar.
Ashtyq jarııalaǵandardyń basty talaby – qujattaryn qaıtaryp, basqa PIK-ke ótý. Alaıda kompanııa olardyń bul talapyn oryndamaı, qujattaryn qaıtarmaı otyrǵan kórinedi.
Al turǵyndarǵa qyzmet etetin PIK qaraıtyn kompanııanyń dırektory Jomart Ismaǵýlov jumystaryna shań jýytar emes.
"Olardyń nege ashtyq jarııalap otyrǵanyn bilmedim. 2018 jyldyń 1 qazanynan bastap bizdiń kompanııa Zerdelidegi, Alǵabastaǵy kópqabatty úılerdi konkýrs boıynsha jeńip aldy. Sol ýaqyttan bastap biz sol úılerge qyzmet jasap kelemiz" – deıdi ol.
Kompanııa basshysy kerisinshe turǵyndardyń bereshegi baryn aıtady. Onyń sózinshe, Alǵabastaǵy 141 nómirli kópqabatty úıdiń qaryzy 284 340 teńge, 142 nómirli úıdiń qaryzy 148 357 teńge bolyp ketken. Osylaısha kompanııa turǵyndardyń ózderin aıypty qylyp otyr.
Al syrtta jınalǵan kópqabatty úıdiń turǵyndary túıitkildiń túıini sheshilmese, joǵary jaqqa aryzdanatynyn aıtady.
Alǵabek Hamıtuly
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir